കോട്ടയം: ‘പ്രവാചകന്റെ മുടി വളരുന്നു’ എന്ന രീതിയില്‍ പ്രവാചകനായ മുഹമ്മദ് നബിയുടെ വിശുദ്ധി കളങ്കപ്പെടുത്തുന്ന തരത്തിലുള്ള പ്രസ്താവനകളുടെ മറവില്‍ തിരുകേശ കച്ചവടം നടത്തുന്നത് മതത്തിനും സമൂഹത്തിനും നേരെയുള്ള തുറന്ന വെല്ലുവിളിയാണെന്ന് ഐ.എസ്.എം കുറ്റപ്പെടുത്തി.
പ്രവാചകന്റെ മഹത്വത്തെ അപമാനിക്കുന്ന തരത്തിലുള്ള കച്ചവട നിലപാടുകള്‍ മുസ്ലിം സമൂഹത്തിന് അനുവദിക്കാനാകില്ല. ഇസ്ലാമിക വിശ്വാസങ്ങളോട് തുറന്ന അവഹേളനമായി മാറുന്ന ഇത്തരം പ്രവൃത്തികള്‍ക്കെതിരെ സമൂഹം ജാഗ്രതയോടെ പ്രതികരിക്കണം. മതത്തിന്റെ പേരില്‍ നടക്കുന്ന വ്യാജ പ്രചാരണങ്ങളും അനാചാരങ്ങളും തുറന്നുകാട്ടണമെന്നും ഐ.എസ്.എം കാഞ്ഞിരപ്പള്ളി മണ്ഡലം യോഗം ആവശ്യപ്പെട്ടു.
കാന്തപുരം എ.പി അബൂബക്കര്‍ മുസ്ലിയാര്‍ പ്രസ്താവന പിന്‍വലിക്കുകയും പൊതുവായി മുസ്ലിം സമൂഹത്തോടും വിശ്വാസികളോടും മാപ്പ് പറയുകയും വേണം. അല്ലാത്തപക്ഷം ശക്തമായ ജനകീയ പ്രതിഷേധങ്ങള്‍ക്ക് അദ്ദേഹം തയ്യാറാകേണ്ടിവരുമെന്നും ഐ.എസ്.എം വ്യക്തമാക്കി. സംസ്ഥാന വൈസ് പ്രസിഡണ്ട് നാസര്‍ മുണ്ടക്കയം യോഗം ഉദ്ഘാടനം ചെയ്തു.
‘പ്രവാചകന്റെ മുടി വളരുന്നു’ : കാന്തപുരത്തിന്റെ പ്രസ്താവന തുറന്ന വെല്ലുവിളി, പിന്‍വലിക്കണമെന്ന് ഐ.എസ്.എം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.