കൊച്ചി : തനിക്കെതിരെ ഉയർന്നുവന്ന ലൈംഗിക അതിക്രമ പരാതി വ്യാജമാണെന്നും മാനനഷ്ടക്കേസ് കൊടുക്കുമെന്നും വ്യക്തമാക്കി ബിജെപി സംസ്ഥാന വൈസ് പ്രസിഡന്റ് സി കൃഷ്ണകുമാര് രംഗത്തെത്തി. പ്രതിപക്ഷ നേതാവ് വി.ഡി. സതീശനും സന്ദീപ് വാര്യരുമൊക്കെ എന്തോ പൊട്ടിക്കും, തേങ്ങയുടയ്ക്കും എന്നൊക്കെ പറഞ്ഞപ്പോള് എന്തോ വലിയ ആറ്റംബോംബ് പൊട്ടിക്കുമെന്നാണ് താന് കരുതിയതെന്നും എന്നാല് ഇപ്പോള് പുറത്തെത്തിയ പരാതി പൊട്ടാതെപോയ നനഞ്ഞ ഓലപ്പടക്കമാണെന്നും അദ്ദേഹം പരിഹസിക്കുകയും ചെയ്തു.
ഇപ്പോൾ ഉയർന്ന ആരോപണത്തിന് പിന്നിലുള്ള പരിഹസിച്ച് യുവരാജ് ഗോകുലും രംഗത്തെത്തി. ‘ ബിജെപി ഓഫീസില് നിന്നിറങ്ങി പോയ ഒന്നിനെ മുന്തിയ ഇനം കാളയെന്ന് ധരിച്ച് വി.ഡി സതീശന് തൊഴുത്തില് കയറ്റി കെട്ടിയിട്ടുണ്ട്. അതൊരു കഴുത മാത്രമാണെന്ന് തിരിച്ചറിഞ്ഞ് വരുമ്പോഴേക്കും സതീശന് ബാക്കിയുണ്ടായാല് ഭാഗ്യം‘ എന്നാണ് യുവരാജിന്റെ ഫേസ്ബുക്ക് പോസ്റ്റ്.
