ന്യൂദല്ഹി: രാജ്യത്തെ മുഖ്യമന്ത്രിമാരില് പലരും ക്രിമിനല് കേസുകള് നേരിടുന്നവരാണെന്ന് അസോസിയേഷന് ഫോര് ഡെമോക്രാറ്റിക് റിഫോംസ് പുറത്തിറക്കിയ റിപ്പോര്ട്ടില് പറയുന്നു. ഇതില് തെലങ്കാന മുഖ്യമന്ത്രി രേവന്ത് റെഡ്ഡിയാണ് 89 കേസുകളുമായി ഒന്നാം സ്ഥാനത്ത്. തമിഴ്നാട് മുഖ്യമന്ത്രി എം.കെ. സ്റ്റാലിന് 47 കേസുകളുമായി രണ്ടാം സ്ഥാനത്തുണ്ട്. സംസ്ഥാന നിയമസഭകളില് നിന്നും കേന്ദ്രഭരണ പ്രദേശങ്ങളില് നിന്നുമുള്ള നിലവിലെ 30 മുഖ്യമന്ത്രിമാരുടെ സത്യവാങ്മൂലങ്ങള് വിലയിരുത്തിയാണ് റിപ്പോര്ട്ട് തയ്യാറാക്കിയത്.
ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡുവിന് 19 കേസുകളും കര്ണാടക മുഖ്യമന്ത്രി സിദ്ധരാമയ്യയ്ക്ക് 13 കേസുകളും ജാര്ഖണ്ഡ് മുഖ്യമന്ത്രി ഹേമന്ത് സോറന് അഞ്ച് കേസുകളുമുണ്ട്. മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസും ഹിമാചല് പ്രദേശ് മുഖ്യമന്ത്രി സുഖ്വീന്ദര് സിംഗ് സുഖുവും നാല് കേസുകള് വീതവും കേരള മുഖ്യമന്ത്രി പിണറായി വിജയന് രണ്ട് കേസുകളും പഞ്ചാബിലെ ഭഗവന്ത് മാനിന് ഒരു കേസുമുണ്ട്.
