കോഴിക്കോട്: സംസ്ഥാനത്ത് ഒരാള്ക്ക് കൂടി അമീബിക് മസ്തിഷ്ക ജ്വരം ബാധിച്ചെന്ന് സ്ഥിരീകരിച്ചു. വയനാട് സ്വദേശി25 കാരനാണ് രോഗം സ്ഥിരീകരിച്ചത്. യുവാവിനെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ഞായറാഴ്ചയാണ് ഇയാള് രോഗലക്ഷണത്തോടെ ചികിത്സതേടി ആശുപത്രിയില് എത്തിയത്. ഇതോടെ സംസ്ഥാനത്ത് അമീബിക് മസ്തിഷ്ക ജ്വരം സ്ഥിരീകരിച്ചവരുടെ എണ്ണം എട്ടായി.
കോഴിക്കോട്, മലപ്പുറം, വയനാട് ജില്ലകളിലെ രോഗികളാണ് കോഴിക്കോട് മെഡിക്കല് കോളേജ് ആശുപത്രിയില് ഉള്ളത്. ഇതില് മലപ്പുറം, കോഴിക്കോട് ജില്ലകളിലെ ആറുപേരും വയനാട് ജില്ലയിലെ രണ്ടുപേരും ചികിത്സയിലാണ്.
