കോട്ടയം: സിഎംഎസ് കോളേജില്‍ വിദ്യാര്‍ഥി യൂണിയന്‍ തെരഞ്ഞെടുപ്പിനിടെ എസ്എഫ്‌ഐ-കെഎസ്യു പ്രവര്‍ത്തകര്‍ ഏറ്റുമുട്ടി. തെരഞ്ഞെടുപ്പ് അലങ്കോലപ്പെടുത്താന്‍ എസ്എഫ്‌ഐ ശ്രമിക്കുന്നുവെന്ന് ആരോപിച്ച് കെഎസ്യു ക്യാമ്പസില്‍ പ്രതിഷേധിച്ചു.
ക്ലാസ് റപ്രസന്റേറ്റീവ് തെരഞ്ഞെടുപ്പില്‍ കെഎസ്യു മുന്നിട്ട് നില്‍ക്കുന്ന സാഹചര്യത്തില്‍ എസ്എഫ്‌ഐ മനപ്പൂര്‍വം തിരഞ്ഞെടുപ്പ് പ്രക്രിയ അട്ടിമറിക്കാന്‍ ശ്രമിക്കുന്നു എന്നാണ് കെഎസ്യു ആരോപിച്ചത്. ചെയര്‍മാന്‍ അടക്കം പ്രധാന സീറ്റുകളിലേക്കുള്ള തെരഞ്ഞെടുപ്പില്‍ വോട്ട് ചെയ്യേണ്ടത്, ആദ്യഘട്ടത്തില്‍ പ്രതിനിധികളായി തെരഞ്ഞെടുക്കപ്പെടുന്ന ക്ലാസ് റപ്രസന്റേറ്റീവുകളാണ്. അതിനാല്‍ തെരഞ്ഞെടുപ്പ് അട്ടിമറിക്കപ്പെടുമെന്ന് ചൂണ്ടിക്കാട്ടി കെഎസ്യു പ്രവര്‍ത്തകര്‍ ക്യാമ്പസില്‍ പ്രതിഷേധ മുദ്രാവാക്യം വിളിച്ചു.സംഘര്‍ഷ സാധ്യത കാരണം പൊലീസിന്റെ വന്‍ സന്നാഹമാണ് ഇവിടെ എത്തിയത്.
കഴിഞ്ഞ 25 വര്‍ഷമായി എസ്എഫ്‌ഐ യുടെ കുത്തകയാണ് സിഎംഎസ് കോളേജിലെ വിദ്യാര്‍ഥി യൂണിയന്‍.
