തിരുവനന്തപുരം: പീരുമേട് എംഎല്എയും സി പി ഐ നേതാവുമായ വാഴൂര് സോമന്(72) അന്തരിച്ചു. ഹൃദയാഘാതത്തെ തുടര്ന്നാണ് അന്ത്യം.
തിരുവനന്തപുരത്ത് പി.ടി.പി. നഗറില് റവന്യൂ വകുപ്പിന്റെ ഇടുക്കി ജില്ലാതല യോഗത്തില് പങ്കെടുത്ത ശേഷം മടങ്ങുന്ന വഴിയാണ് വാഴൂര് സോമന് എംഎല്എയ്ക്ക് ഹൃദയാഘാതമുണ്ടായത്. തുടര്ന്ന്, റവന്യൂ മന്ത്രിയുടെ വാഹനത്തില് അദ്ദേഹത്തെ ഉടന് തന്നെ ശാസ്തമംഗലത്തെ ആശുപത്രിയില് എത്തിഎത്തിച്ചെങ്കിലും ജീവന് രക്ഷിക്കാനായില്ല. തോട്ടം തൊഴിലാളികളെ സംഘടിപ്പിച്ചു വളര്ന്ന നേതാവാണ്.
മൃതദേഹം ഏഴ് മണിക്ക് എം എന് സ്മാരകത്തില് പൊതുദര്ശനത്തിന് വയ്ക്കും. രാത്രി തന്നെ ഭൗതിക ദേഹം പീരുമേട്ടിലേക്ക് കൊണ്ടു പോകും.
2021ല് കോണ്ഗ്രസിന്റെ സിറിയക് തോമസിനെ പരാജയപ്പെടുത്തിയാണ് വാഴൂര് സോമന് നിയമസഭയിലെത്തുന്നത്.പീരുമേട്ടിലെ കര്ഷക പ്രശ്നങ്ങള്, തോട്ടം തൊഴിലാളികളുടെ പ്രശ്നങ്ങള്, ഭൂപ്രശ്നങ്ങള് എന്നിവ വിശദമായി പഠിക്കുകയും സഭയ്ക്ക് അകത്തും പുറത്തും സജീവ ഇടപെടലുകള് നടത്തുകയും ചെയ്തിരുന്നു.
