ന്യൂദൽഹി: ദൽഹി മുഖ്യമന്ത്രി രേഖ ഗുപ്തയ്‌ക്കെതിരായ ആക്രമണത്തിന് ശേഷം അവരുടെ സുരക്ഷയിൽ വലിയ മാറ്റം വരുത്താൻ പോകുന്നു. ആഭ്യന്തര മന്ത്രാലയ വൃത്തങ്ങൾ പറയുന്നതനുസരിച്ച് രേഖ ഗുപ്തയ്‌ക്ക് കേന്ദ്ര സർക്കാർ അധിക സിആർപിഎഫ് സുരക്ഷ നൽകും. ബുധനാഴ്ച നടന്ന ആക്രമണത്തിന് ശേഷമാണ് കേന്ദ്രം ഈ തീരുമാനം എടുത്തത്.
കർശന സംരക്ഷണത്തിനായി കൂടുതൽ സിആർപിഎഫ് ഉദ്യോഗസ്ഥരെ വിന്യസിക്കും. കേന്ദ്ര സർക്കാർ അവർക്ക് ഇതിനോടകം ഇസഡ് കാറ്റഗറി സുരക്ഷ നൽകിയിട്ടുണ്ട്.
അതേ സമയം മുഖ്യമന്ത്രിയുടെ പൊതു ഹിയറിംഗിനിടെ പുതിയ സുരക്ഷാ ക്രമീകരണം ഉണ്ടാകുമെന്ന് വൃത്തങ്ങൾ അറിയിച്ചു. മുഖ്യമന്ത്രിയുടെ അടുത്തേക്ക് ആർക്കും എത്താൻ കഴിയില്ലെന്ന് ഉറപ്പാക്കും. പൊതു ഹിയറിംഗിനിടെ പരാതി ആദ്യം പരിശോധിക്കും. അതിനുശേഷം മാത്രമേ അത് മുഖ്യമന്ത്രിക്ക് നൽകാൻ അനുവദിക്കൂ.
