തിരുവനന്തപുരം:ഡിജിറ്റല് സര്വകലാശാല ബോര്ഡ് ഓഫ് ഗവേണേഴ്സ്,താല്ക്കാലിക വിസി സിസ തോമസിനെതിരെ പ്രമേയം പാസാക്കി.കഴിഞ്ഞ ദിവസം ചേര്ന്ന യോഗത്തിലാണ് ഇത്.
ഉന്നത വിദ്യാഭ്യാസ കൗണ്സില് മെമ്പര് സെക്രട്ടറി രാജന് വര്ഗീസ് ആണ് പ്രമേയം അവതരിപ്പിച്ചത്.
‘കെ ചിപ്പ്’ നിര്മ്മാണത്തിന് സര്വകലാശാല തന്നെ രൂപീകരിച്ച കമ്പനിക്കെതിരെ സിസ തോമസ് ചാന്സലര് കൂടിയായ ഗവര്ണര്ക്ക് പരാതി നല്കിയിരുന്നു.ബോര്ഡ് ഓഫ് ഗവേണേഴ്സുമായി ആലോചിക്കാതെയായിരുന്നു ഈ നടപടി. ഇത് ചോദ്യം ചെയ്താണ് ബോര്ഡ് ഓഫ് ഗവേണേഴ്സില് പ്രമേയം കൊണ്ടുവന്നത്.
പ്രമേയത്തെ അനുകൂലിച്ച് സംസാരിച്ച ഐടി സെക്രട്ടറി വൈസ് ചാന്സലറുടെ നടപടികളോട് എതിര്പ്പ് രേഖപ്പെടുത്തി. ഐടി നയ രൂപീകരണം ഉള്പ്പെടെ യോഗങ്ങളില് നിന്ന് വൈസ് ചാന്സലര് വിട്ടു നില്ക്കുന്നു. സര്ക്കാര് ക്ഷണിക്കുന്ന യോഗങ്ങളില് പോലും വിസി പങ്കെടുക്കുന്നില്ലന്ന് ഐടി സെക്രട്ടറി പറഞ്ഞു.
അക്കാദമിക് വിദഗ്ധര്, ഐടി വ്യവസായികള്, ഐഐടികളില് നിന്നുള്ള പ്രതിനിധികള്, ഐടി സെക്രട്ടറി തുടങ്ങിയവരാണ് ഡിജിറ്റല് സര്വകലാശാല ബോര്ഡ് ഓഫ് ഗവേണേഴ്സിലുള്ളത്. ഐടി വ്യവസായി വിജയ് ചന്ദ്രുവാണ് അധ്യക്ഷന്.
