കൊച്ചി: സംസ്ഥാനത്ത് സ്വർണവിലയിൽ ഇടിവ് തുടരുകയാണ്. കഴിഞ്ഞ മൂന്ന് ദിവസങ്ങളായി ഒരേ വിലയിൽ തുടർന്നിരുന്ന വിപണിയിൽ ഇന്ന് വൻ കുറവാണ് രേഖപ്പെടുത്തിയത്. 320 രൂപയാണ് ഒരു പവന് ഇന്ന് കുറഞ്ഞത്. ഇതോടെ ഒരു ഇടവേളയ്ക്ക് ശേഷം സ്വർണ വില 73000ത്തിലേക്ക് തിരിച്ചെത്തി.
73,880 രൂപയാണ് ഇന്ന് ഒരു പവൻ സ്വർണത്തിന്റെ വില. 9,235 രൂപയാണ് ഒരു ഗ്രാം സ്വർണത്തിന് ഇന്ന് നൽകേണ്ടത്.
ആഗസ്റ്റ് ഒമ്പത് മുതൽ സ്വർണ വിലയിൽ ഇടിവ് രേഖപ്പെടുത്തുന്നുണ്ട്. ഒരാഴ്ചയ്ക്കുള്ളിൽ കുറഞ്ഞത്, പവന് 1600 രൂപയോളമാണ്. ആഗസ്റ്റ് 8ന് റെക്കോർഡ് വിലയായ 75760 വരെ സ്വർണം എത്തിയിരുന്നു. ഇതിന് പിന്നാലെയാണ് ഇപ്പോൾ വില ഇടിയുന്നത്.
ഇന്ത്യയിൽ നിന്നുള്ള ഇറക്കുമതിക്ക് അമേരിക്ക തീരുവ വർധിപ്പിച്ചത് ഉൾപ്പടെയുള്ള ഘടകങ്ങളാണ് പ്രധാനമായും സ്വർണവിലയെ സ്വാധീനിക്കുന്നത്. അതേസമയം, വെള്ളി വിലയിലും കുറവുണ്ട്. ഒരു ഗ്രാം വെള്ളിയുടെ ഇന്നത്തെ വിപണി വില 123 രൂപയാണ്.
ഓണ വിപണി സ്വർണവിലയിൽ എന്ത് മാറ്റമുണ്ടാക്കും എന്ന ആകാംക്ഷയിലാണ് ഉപഭോക്താക്കൾ
