തിരുവനന്തപുരം: തദ്ദേശ തെരഞ്ഞെടുപ്പിന്റെ അന്തിമ വോട്ടര് പട്ടിക പ്രസിദ്ധീകരിക്കുന്ന പ്രവര്ത്തനങ്ങളുടെ പശ്ചാത്തലത്തില് ഈ മാസം 30 വരെ സംസ്ഥാനത്തെ തദ്ദേശ സ്ഥാപനങ്ങള്ക്ക് അവധിയില്ല. 30 വരെ എല്ലാ അവധി ദിവസങ്ങളിലുംഎല്ലാ പഞ്ചായത്ത്, മുനിസിപ്പാലിറ്റി, കോര്പ്പറേഷന് ഓഫീസുകളും തുറന്ന് പ്രവര്ത്തിക്കണമെന്ന് നിര്ദേശം നല്കി.
ഇതു സംബന്ധിച്ച ഉത്തരവ് സംസ്ഥാന തെരഞ്ഞെടുപ്പ് കമ്മീഷന് സെക്രട്ടറി ബി.എസ്.പ്രകാശാണ് ഇറക്കിയത്.30 ന് അന്തിമ വോട്ടര് പട്ടിക പ്രസിദ്ധീകരിക്കാനാണ് തീരുമാനം.
വോട്ടര് പട്ടികയില് പേര് ചേര്ക്കലും പട്ടിക പുതുക്കലുമായി ബന്ധപ്പെട്ട അപേക്ഷകളില് തീര്പ്പ് കല്പ്പിക്കുന്നതിനാണ് അവധി റദ്ദാക്കിയത്. ജൂലായ് 23 ന് പുറത്തിറക്കിയ കരട് വോട്ടര് പട്ടികയില് പുതുതായി പേരു ചേര്ക്കാന് 29.81 ലക്ഷത്തിലധികം അപേക്ഷകളാണ് ലഭിച്ചത്. തിരുത്തല്, സ്ഥാന മാറ്റം, പേര് ഒഴിവാക്കല് അടക്കം 35.98 ലക്ഷം അപേക്ഷകളാണ് ലഭിച്ചിട്ടുളളത്.
