തിരുവനന്തപുരം: അനധികൃത സ്വത്ത് സമ്പാദനമെന്ന് കാട്ടി തനിക്കെതിരായ ആരോപണങ്ങളിലെ വ്യാജരേഖകള്‍ ചമച്ചത് പൊലീസില്‍ നിന്നെന്ന് എം ആര്‍ അജിത് കുമാറിന്റെ മൊഴി. പൊലീസില്‍ ഗൂഢാലോചനകള്‍ നടന്നിട്ടുണ്ടെന്നും അക്കാര്യത്തില്‍ അന്വേഷണം വേണമെന്നും അദ്ദേഹം ആവശ്യപ്പെട്ടു.
വീട് നിര്‍മ്മാണം ഭാര്യാ പിതാവ് നല്‍കിയ ഭൂമിയിലാണ്. ഫ്‌ലാറ്റ് മറിച്ചു വിറ്റ് ലാഭം നേടിയിട്ടില്ലെന്നും എ ഡി ജി പി മൊഴി നല്‍കി. ഇതുമായി ബന്ധപ്പെട്ട് എസ്ബിഐയില്‍ നിന്നെടുത്ത വായ്‌പാ വിവരങ്ങളും വിജിലന്‍സിനോട് പറഞ്ഞു.
പി വി അന്‍വര്‍ ആവശ്യപ്പെട്ട വഴിവിട്ട കാര്യങ്ങള്‍ക്ക് വഴങ്ങാത്തതാണ് ആരോപണങ്ങള്‍ക്ക് കാരണമെന്നും എം ആര്‍ അജിത് കുമാര്‍ മൊഴി നല്‍കി.മുഖ്യമന്ത്രിയുടെ ഓഫീസിന്റെ നിര്‍ദ്ദേശാനുസരണം അന്‍വറുമായി സുഹൃത്ത് നജീബിന്റെ വീട്ടില്‍ വച്ച് കൂടിക്കാഴ്ച നടത്തിയിരുന്നു.
എം ആര്‍ അജിത് കുമാറിന് ക്ലീന്‍ ചീറ്റ് നല്‍കിയ അന്വേഷണ റിപ്പോര്‍ട്ട് തള്ളിയ തിരുവനന്തപുരം വിജിലന്‍സ് കോടതി അന്വേഷണം തുടരണമെന്നും നിര്‍ദ്ദേശിച്ചിരുന്നു. പരാതിക്കാരന്റെയും സാക്ഷികളുടെയും മൊഴി കോടതി നേരിട്ട് രേഖപ്പെടുത്തും.
