കോഴിക്കോട്: കൊയിലാണ്ടി തോരായിക്കടവില്‍ നിര്‍മ്മാണം നടക്കുന്ന പാലത്തിന്റെ ബീം തകര്‍ന്നു വീണു.കൊയിലാണ്ടി-ബാലുശേരി നിയോജകമണ്ഡലങ്ങളെ ബന്ധിപ്പിക്കുന്ന തോരായിക്കടവ് പാലത്തിന്റെ ബീമാണ് തകര്‍ന്നത്. വ്യാഴാഴ്ച ഉച്ചകഴിഞ്ഞാണ് അപകടം.
അപകടത്തില്‍ ആളപായമില്ല. നിര്‍മാണത്തിലെ അപാകതയാണ് ബീം തകര്‍ന്നതിന് കാരണമെന്നാണ് പ്രാഥമിക നിഗമനം.പുഴ മധ്യത്തിലാണ് കോണ്‍ക്രീറ്റ് ചെയ്യുന്നതിനിടയില്‍ ബീം തകര്‍ന്നു വീണത്.
ടിഎംആര്‍ കണ്‍സ്ട്രക്ഷന്‍ ആണ് നിര്‍മാണ കരാര്‍ എടുത്തിരിക്കുന്നത്. ഒന്നര വര്‍ഷം മുമ്പാണ് നിര്‍മാണം ആരംഭിച്ചത്.അതിനിടെ, സംഭവത്തില്‍ പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് റിപ്പോര്‍ട്ട് തേടി. 23.82 കോടി രൂപ ചെലവിട്ട് കിഫ്ബി ധനസഹായത്തോടെ നിര്‍മിക്കുന്ന പാലത്തിന്റെ ചുമതല മലപ്പുറം ആസ്ഥാനമായള്ള പിഎംആര്‍ കണ്‍സ്ട്രക്ഷന്‍ കമ്പനിക്കാണ്.2023 ആഗസ്റ്റ് മൂന്നിനാണ് മന്ത്രി മൊഹമ്മദ് റിയാസ് പാലത്തിന്റെ പണി ഉദ്ഘാടനം ചെയ്തത്.
