ന്യൂദല്ഹി: കേന്ദ്രമന്ത്രിമാരെയും എംപിമാരെയും സംബന്ധിച്ച് തിരക്കേറിയ പാര്ലമെന്റ് സമ്മേളനം നടക്കുമ്പോള് തൃശൂരില് കേന്ദ്രമന്ത്രി സുരേഷ്ഗോപിയെ കാണാനില്ലെന്ന വാദം അപഹാസ്യമായി. പാര്ലമെന്റ് സമ്മേളന സമയത്ത് മന്ത്രിമാരും എംപിമാരും ഉണ്ടാകണമെന്നാണ് ചട്ടം. അതിന്റെ പേരില് തന്നെ പരിഹസിക്കുന്നവര്ക്ക് ഒരു ഫോട്ടോയിലൂടെയാണ് സുരേഷ്ഗോപി ഇന്നലെ മറുപടി നല്കിയത്.
പാര്ലമെന്റില് കേന്ദ്രസര്ക്കാരിലെ ഉന്നത ഉദ്യോഗസ്ഥരുമായി നടത്തിയ ചര്ച്ചയുടെ ചിത്രങ്ങള് ഫെയ്സ്ബുക്കിലാണ് സുരേഷ്ഗോപി പോസ്റ്റ് ചെയ്തത്.
പെട്രോളിയം മന്ത്രാലയത്തിലെ മുതിര്ന്ന ഉദ്യോഗസ്ഥരുമായി നടത്തിയ ചര്ച്ചയെന്ന കുറിപ്പോടെയാണ് ചിത്രങ്ങള് പങ്കുവെച്ചത്. രാജ്യസഭയില് ഇന്നലെ ചര്ച്ച ചെയ്യുന്ന പ്രധാനമന്ത്രി ഉജ്ജ്വല യോജനയുമായി ബന്ധപ്പെട്ടായിരുന്നു പെട്രോളിയം മന്ത്രാലയത്തിലെ മുതിര്ന്ന ഉദ്യോഗസ്ഥരുമായി ചര്ച്ചയെന്നും സുരേഷ്ഗോപി കുറിച്ചു.
