കോഴിക്കോട്: ശസ്ത്രക്രിയ കഴിഞ്ഞ് കോഴിക്കോട് മെഡിക്കല് കോളേജ് ആശുപത്രിയിലെ തീവ്രപരിചരണവിഭാഗത്തില് കഴിഞ്ഞിരുന്ന യുവതിയെ പീഡിപ്പിച്ച കേസില് പ്രതിയായ അറ്റന്ഡര് ശശീന്ദ്രനെ സര്വീസില് നിന്ന് പിരിച്ചു വിട്ടു. മഡിക്കല് കോളേജ് ഭരണ നിര്വഹണ വിഭാഗത്തിന്റെ ശുപാര്ശയിലാണ് പ്രിന്സിപ്പലിന്റെ നടപടി.
2023 മാര്ച്ച് 18 നാണ് തൈറോയ്ഡ് ശസ്ത്രക്രിയ കഴിഞ്ഞ് തീവ്രപരിചരണവിഭാഗത്തില് ചികില്സയില് കഴിഞ്ഞിരുന്ന യുവതിയെ അറ്റന്ഡറായ എംഎം ശശീന്ദ്രന് പീഡിപ്പിച്ചത്. നിലവില് ഇയാള് സസ്പെന്ഷനിലായിരുന്നു. ആഭ്യന്തര സമിതിയുടെ അന്വേഷണത്തില് ഇയാള് തെറ്റുകാരനാണെന്ന് കണ്ടെത്തിയിരുന്നു. ഇയാള്ക്കെതിരായ നിയമ നടപടികള് തുടരുകയുമാണ്.
പിരിച്ചുവിട്ട നടപടിയില് സംതൃപ്തി ഉണ്ടെന്ന് അതിജീവിത പറഞ്ഞു
