തിരുവനന്തപുരം:വെമ്പായത്തെ ബാറില് മദ്യപാനത്തിനിടെ ഉണ്ടായ തര്ക്കത്തില് പൊള്ളലേറ്റ ഒരാള് മരിച്ചു. ഇന്നലെ ഉണ്ടായ സംഘര്ഷത്തിനിടെ പൊള്ളലേറ്റ നവാസ് മെഡിക്കല് കോളേജില് ചികിത്സയിലിരിക്കെ ആണ് മരിച്ചത്. പൊള്ളലേറ്റ് ചികിത്സയിലുള്ള അനീഷിന്റെ സ്ഥിതി ഗുരുതരമായി തുടരുന്നു. വെന്റിലേറ്ററിലുള്ള അനീഷാണ് പെട്രോളൊഴിച്ച് തീകൊളുത്തിയതെന്ന് പൊലീസ് പറഞ്ഞു.
കഴിഞ്ഞ രാത്രി ഒമ്പത് മണിയോടെ വെമ്പായം റിസോര്ട്ട് ബാറില് ആണ് സംഭവം.നന്നാട്ടുകാവ് സ്വദേശി അനീഷും മറ്റ് നാല് പേരും ചേര്ന്ന് ബാറില് വെച്ച് മദ്യപിച്ച് കൊണ്ടിരിക്കേ തര്ക്കം ഉണ്ടായി. അനീഷിന്റെ മുഖത്ത് നവാസ് അടിച്ചു. പ്രകോപതിനായ അനീഷ് ഒരു കന്നാസില് പെട്രോളുമായി എത്തി എല്ലാവരുടെയും ദേഹത്തേക്ക് ഒഴിച്ച് തീ കൊളുത്തുകയായിരുന്നു. മദ്യപിച്ചിരുന്നതിനാല് ബാറില് പല തവണ അനീഷ് കന്നാസുമായി വീണു. പെട്രോള് ദേഹത്ത് ആകുകയും ചെയ്തു. സംഭവത്തില് ആറ് പേര്ക്കാണ് പൊളളലേറ്റത്.യുവാക്കളുടെ ദേഹത്ത് പെട്രോളൊഴിച്ച അനീഷിനെതിരെ വധശ്രമത്തിനാണ് കേസെടുത്തിരിക്കുന്നത്.
