അഹമ്മദാബാദ് : 56 പേരുടെ മരണത്തിനിടയാക്കിയ 2008 ലെ അഹമ്മദാബാദ് സ്ഫോടന കേസില് 49 പേരുടെ ശിക്ഷ ഗുജറാത്ത് ഹൈക്കോടതി ശരിവച്ചു . ജസ്റ്റിസുമാരായ എ.വൈ. കോഗ്ജെ , ജസ്റ്റിസ് സമീര് ജെ. ദവെ എന്നിവരടങ്ങിയ ബെഞ്ച് പ്രതികള് സമര്പ്പിച്ച എല്ലാ അപ്പീലുകളും തള്ളി.38 കുറ്റവാളികള്ക്ക് വധശിക്ഷയും ബാക്കിയുള്ള 11 പേര്ക്ക് ജീവപര്യന്തം തടവുമാണ് ശിക്ഷ.
2008 ജൂലായ് 26 ന് അഹമ്മദാബാദില് ഉണ്ടായ ബോംബു സ്ഫോടനങ്ങളില് 56 പേര് കൊല്ലപ്പെടുകയും നൂറുകണക്കിന് പേര്ക്ക് പരിക്കേല്ക്കുകയും ചെയ്തിരുന്നു. ആശുപത്രികള് ഉള്പ്പെടെയുള്ള ഇടങ്ങളിലായിരുന്നു സ്ഫോടന പരമ്പരകള്. സ്ഫോടനങ്ങളുടെ ഉത്തരവാദിത്തം ഇന്ത്യന് മുജാഹിദീന് ഏറ്റെടുത്തിരുന്നു.
2022-ല് പ്രത്യേക കോടതി കേസില് 77 പ്രതികളില് 49 പേരെ കുറ്റക്കാരാണെന്ന് കണ്ടെത്തുകയും 38 പേര്ക്ക് വധശിക്ഷയും 11 പേര്ക്ക് ജീവപര്യന്തവും വിധിച്ചിരുന്നു. 28 പേരെ കുറ്റവിമുക്തരാക്കി, ഒരാള് മാപ്പുസാക്ഷിയായി.
