കൊച്ചി : കോറോ ഹെല്‍ത്ത് കമ്പനിയിലെ കൂട്ട പിരിച്ചുവിടലിനെ തുടര്‍ന്ന് തൊഴില്‍ മന്ത്രി ബിന്ദു കൃഷ്ണ , കമ്പനി അധികൃതരുമായി നടത്തിയ ചര്‍ച്ചയില്‍ ധാരണ. ജീവനക്കാര്‍ക്ക് അഞ്ചു മാസത്തെ ആനുകൂല്യം കൂടി നല്‍കും. ഈമാസം 26 ന് മുന്‍പ് പണം നല്‍കും. ആകെ ഏഴ് മാസത്തെ നഷ്ടപരിഹാരമാണ് നല്‍കുക.
ജീവനക്കാരുടെ പ്രവര്‍ത്തി പരിചയ സര്‍ട്ടിഫിക്കറ്റ് അടക്കമുള്ളവ കമ്പനി നല്‍കും. മറ്റു സംസ്ഥാനങ്ങളില്‍ തൊഴില്‍ നല്‍കാമെന്ന വാഗ്ദാനം ജീവനക്കാര്‍ നിരസിച്ചു. ജീവനക്കാര്‍ക്ക് മുന്നോട്ടുള്ള തൊഴില്‍ സാധ്യതകള്‍ സര്‍ക്കാര്‍ അന്വേഷിക്കും.ജീവനക്കാരുടെ താത്പര്യം മുന്‍നിര്‍ത്തി നടന്ന ചര്‍ച്ചയില്‍ തൊഴിലാളി സംഘടനകളും പങ്കെടുത്തു.
തീരുമാനത്തില്‍ തൃപ്തരാണെന്ന് കോറോ ഹെല്‍ത്ത് പിരിച്ചു വിട്ട ജീവനക്കാര്‍ അറിയിച്ചു. കിട്ടാവുന്നതില്‍ ഏറ്റവും നല്ല പരിഹാരമാണ് ലഭിച്ചത്.
കേരളത്തില്‍ കൊച്ചി, കോഴിക്കോട് ജില്ലകളിലായി പ്രവര്‍ത്തിച്ചിരുന്ന കോറോ ഹെല്‍ത്തിലെ 900-ത്തോളം ജീവനക്കാരെയാണ് മുന്നറിയിപ്പില്ലാതെ പിരിച്ചുവിട്ടത്.അമേരിക്ക ആസ്ഥാനമായി പ്രവര്‍ത്തിക്കുന്ന സ്ഥാപനമാണ് കോറോ ഹെല്‍ത്ത്. ഇന്ത്യയിലെ പ്രമുഖ സംസ്ഥാനങ്ങള്‍ കേന്ദ്രീകരിച്ച് പ്രവര്‍ത്തിക്കുന്ന ഹെല്‍ത്ത് ടെക്ക് സ്ഥാപനമാണിത്.കേരളത്തില്‍ അഞ്ച് വര്‍ഷം മുമ്പാണ് പ്രവര്‍ത്തനം ആരംഭിച്ചത്.
