മാഡ്രിഡ് : പൊതുസ്ഥലത്ത് ഇസ്ലാമിക ആഘോഷങ്ങൾക്ക് നിരോധനമേർപ്പെടുത്തി സ്പാനിഷ് നഗരം . തെക്കുകിഴക്കൻ സ്പെയിനിലെ മുർസിയ മേഖലയിലെ ജുമില്ല പട്ടണമാണ് ഈദുൽ ഫിത്തർ, ഈദുൽ അദ്ഹ അടക്കം പൊതുസ്ഥലത്ത് ആഘോഷിക്കുന്നത് വിലക്കിയത് . പരിപാടികൾക്കായി സ്പോർട്സ് സെന്ററുകൾ, സിവിക് ഹാളുകൾ തുടങ്ങിയ മുനിസിപ്പൽ കെട്ടിടങ്ങൾ ഉപയോഗിക്കുന്നത് നിരോധിക്കുന്ന സംബന്ധിച്ച് ബില്ലും കൊണ്ടു വന്നു.
യാഥാസ്ഥിതിക പീപ്പിൾസ് പാർട്ടി (പിപി) ബിൽ അവതരിപ്പിച്ചു, തീവ്ര വലതുപക്ഷ വോക്സ് പാർട്ടിയുടെ വിട്ടുനിൽക്കലും പ്രാദേശിക ഇടതുപക്ഷ പാർട്ടികളുടെ എതിർപ്പും അവഗണിച്ച് ബിൽ പാസായി.
“സ്പെയിനിലെ പൊതു ഇടങ്ങളിൽ ഇസ്ലാമിക ഉത്സവങ്ങൾ നിരോധിക്കുന്നതിനുള്ള ആദ്യ നടപടിയ്‌ക്ക് നന്ദി. സ്പെയിൻ ക്രിസ്ത്യൻ ജനതയുടെ നാടാണ്, എന്നും അങ്ങനെ തന്നെയായിരിക്കും.സ്പെയിനിൽ ഇത്തരമൊരു നിരോധനം ഇതാദ്യമാണ് “ വോക്സ് പാർട്ടി എക്‌സിലെ ഒരു പോസ്റ്റിലൂടെ പറഞ്ഞു. നിരോധനത്തിനെതിരെ സ്പെയിൻ ഫെഡറേഷൻ ഓഫ് ഇസ്ലാമിക് റിലീജിയസ് എന്റിറ്റീസ് (FEERI) പ്രസിഡന്റ് മൗനിർ ബെഞ്ചലൂൺ ആൻഡലൂസി അസ്ഹാരി രംഗത്തെത്തി . ഈ തീരുമാനം “ഇസ്ലാമോഫോബിയയും വിവേചനപരവുമാണ്” എന്ന് അദ്ദേഹം പറഞ്ഞു.
