കുടുംബവുമൊത്ത് തിരുപ്പതിയിൽ ദർശനം നടത്തി ജയറാം. ഭാര്യ പാർവതി, മക്കളായ കാളിദാസ്, മാളവിക, മരുമക്കളായ താരുണി, നവനീത് എന്നിവരും ഒപ്പമുണ്ടായിരുന്നു. ജയറാമിനെയും കുടുംബത്തെയും സ്നേഹത്തോടയാണ് ക്ഷേത്രം അധികൃതർ സ്വീകരിച്ചത്.
വേദാനുഗ്രഹങ്ങളും പ്രസാദവും നൽകി ആദരിക്കുകയും ചെയ്തു. സന്ദർശനത്തിന്റെ ഫോട്ടോകളും വീഡിയോകളും ഇതിനോടകം സോഷ്യൽ മീഡിയയിൽ വൈറലായിട്ടുണ്ട് . ദർശനത്തിനുശേഷം നിരവധി ആരാധകർക്കൊപ്പം ജയറാം സെൽഫിക്കു പോസ് ചെയ്തു.
കഴിഞ്ഞ വർഷം പുറത്തിറങ്ങിയ എബ്രഹാം ഓസ്ലർ ആണ് ജയറാമിന്റേതായി അവസാനം റിലീസ് ചെയ്ത മലയാള ചിത്രം. ബ്രഹ്മാണ്ഡ സിനിമയായ കാന്താര 2 ആണ് ജയറാമിന്റേതായി റിലീസിനൊരുങ്ങുന്ന ചിത്രം. മലയാളത്തിൽ ജി പ്രജിത് ഒരുക്കുന്ന ചിത്രത്തിലാണ് ജയറാം അഭിനയിക്കുന്നത്.
