ചെന്നൈ: വിവിധ സൂപ്പര്‍ താരങ്ങള്‍ ഒന്നിച്ചഭിനയിച്ച മലയാളം സിനിമയാണ് ട്വന്‍റി20 എന്ന സിനിമ. മമ്മൂട്ടി, മോഹന്‍ലാല്‍, സുരേഷ് ഗോപി, ജയറാം തുടങ്ങി ഒട്ടേറെ സൂപ്പര്‍ താരങ്ങള്‍ അഭിനയിക്കുന്ന ഈ സിനിമ ആനച്ചന്തമുള്ള പടം മാത്രമാണെന്നും ചിത്രം എട്ടുനിലയിൽ പൊട്ടുമെന്നുമായിരുന്നു പലരും അടക്കം പറഞ്ഞത്. എന്നാൽ, എല്ലാവരുടെയും പ്രവചനങ്ങളെ കാറ്റിൽ പറത്തികൊണ്ടായിരുന്നു ട്വന്‍റി ട്വന്‍റി ഐതിഹാസിക വിജയം നേടിയത്. നടന്‍ ദിലീപ് ആയിരുന്നു ഇതിന്റെ നിര്‍മ്മാണവും പ്രൊഡക്ഷന്‍ ജോലികളും ഏറ്റെടുത്തു നടത്തിയത്. ഈ സിനിമയുടെ വിജയത്തോടെ ദീലിപിന് മലയാളം സിനിമാവ്യവസയാത്തില്‍ വലിയൊരു സ്ഥാനം നേടിയെടുക്കാന്‍ സാധിച്ചു.
ഈ സിനിമയില്‍ ഒരു പ്രധാന റോള്‍ അഭിനയിച്ച ജയറാം അതിന്റെ ക്ലൈമാക്സ് സീനില്‍ അഭിനയിക്കാന്‍ എത്തിയില്ല. ഇതിന്റെ കാരണം വിശദീകരിച്ച് ഈയിടെ ഒരു തമിഴ് ചാനലില്‍ ജയറാം പറഞ്ഞ കഥയ്‌ക്ക് ഇപ്പോള്‍ വലിയ ട്രോള്‍ ആണ് കിട്ടുന്നത്. .
കുടുംബത്തൊപ്പം ദീപാവലി ആഘോഷിക്കാൻ പോയത് കൊണ്ടാണ് ട്വൻറി – 20 ക്ലൈമാക്സിൽ ഉണ്ടാകാതെ ഇരുന്നത് എന്നാണ് ജയറാം തമിഴ്നാട്ടിലെ ചാനലിന് നല്‍കിയ അഭിമുഖത്തില്‍ പറഞ്ഞത്. എന്നാല്‍ വര്‍ഷങ്ങള്‍ക്ക് മുന്‍പ് ഒരു മലയാളം ചാനലിന് നല്‍കിയ അഭിമുഖത്തില്‍ ട്വിന്‍റ് 20 സിനിമയുടെ ക്ലൈമാക്സ് രംഗത്ത് അഭിനയിക്കാന്‍ താന്‍ എത്താതിരുന്നത് ശബരിമലക്ക് പോയത് കൊണ്ടാണെന്നായിരുന്നു ജയറാമിന്റെ വിശദീകരണം.
രണ്ട് സംസ്ഥാനങ്ങളില്‍ രണ്ട് തരം കാരണങ്ങള്‍ പറഞ്ഞതോടെയാണ് ജയറാം ഈ പരാമര്‍ശത്തിന്റെ പേരില്‍ ട്രോള്‍ ഏറ്റുവാങ്ങുന്നത്. നാട് മാറുമ്പോൾ കഥയും മാറുമോ എന്ന് ആണ് സോഷ്യൽ മീഡിയ ചോദിക്കുന്നത്.???
