ആലപ്പുഴ: പത്തനംതിട്ടയില് അധ്യാപികയുടെ ഭര്ത്താവ് ജീവനൊടുക്കിയ സംഭവം ഭരണകൂടത്തിന്റെ പരാജയമാണെന്ന് സിപിഎം നേതാവ് ജി. സുധാകരന്. ഫയലുകള് കെട്ടിക്കിടക്കുന്നതില് ഉപദേശമല്ല, നടപടിയാണ് വേണ്ടതെന്നും ഉദ്യോഗസ്ഥരെ നിയന്ത്രിക്കേണ്ടത് ആവശ്യമാണെന്നും അദ്ദേഹം കൂട്ടിച്ചേര്ത്തു.
12 വര്ഷത്തെ ശമ്പളകുടിശിക കിട്ടാനായി ഒരു അധ്യാപിക അനുഭവിച്ച ദുരിതത്തിനിടയില് അവരുടെ ഭര്ത്താവ് മരിച്ചു. അവരുടെ ദുഃഖം പലരോടും പലതവണ പറഞ്ഞിട്ടും ഫലമുണ്ടായില്ല. മാധ്യമങ്ങള് ഏറെ പറഞ്ഞിട്ടും ആ മരണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.സര്ക്കാര് നിയമിച്ച ഉദ്യോഗസ്ഥര് ന്യായമായ ആനുകൂല്യങ്ങള് നല്കുന്നില്ലെന്ന് മേലധികാരികളോട് പറഞ്ഞിട്ടും പ്രയോജനമില്ലെങ്കില് അവിടെ ഭരണകൂടം പരാജയപ്പെടുന്നു. ഫയലുകള് താമസിപ്പിച്ച് തെറ്റായ തീരുമാനം എടുക്കുന്നവര്ക്ക് ഭരണകൂടം അനുകൂലമാകുമ്പോള് ആ ഉദ്യോഗസ്ഥരുടെ അഴിമതിയിലും അലംഭാവത്തിലും ഭരണകൂടത്തിന് ഉത്തരവാദിത്വമുണ്ടെന്ന് വരുന്നു. സുധാകരന് പറഞ്ഞു.
