കോഴിക്കോട് : ‘കേരളത്തിലെ പൊലീസിനോടാണ്! അവനെ ജീവിക്കാന് അനുവദിക്കണം. വീണ്ടും ആത്മഹത്യയിലേക്ക് തള്ളിവിടരുത്. ഞങ്ങള്ക്ക് അവനെ വേണം. കാലുപിടിച്ചുള്ള അപേക്ഷയായി ഇതിനെ എടുക്കണം’ ജാമ്യം ലഭിച്ചിട്ടും കേരള പൊലീസ് ജീവിക്കാന് അനുവദിക്കുന്നില്ലെന്ന പന്തീരാങ്കാവ് യുഎപിഎ കേസ് പ്രതി അലന് ഷുഹൈബിന്റെ വെളിപ്പെടുത്തലില് ബന്ധുവും നടിയുമായ സജിത മഠത്തില് ഫേസ്ബുക്ക് കുറിപ്പില് പറഞ്ഞു.
മാവോയിസ്റ്റ് ബന്ധം ആരോപിച്ച് എടുത്ത യുഎപിഎ കേസില് ജാമ്യം നേടി പുറത്തിറങ്ങിയിട്ടും കേരള പൊലീസ് സൈ്വര്യം കെടുത്തുന്നുവെന്നായിരുന്നു അലന് ഷുഹൈബ് ഫേസ്ബുക്ക് പോസ്റ്റില് പറഞ്ഞത്. ജാമ്യം ലഭിച്ചതോടെ എറണാകുളത്തെ ഒരു വക്കീലിന്റെ ഓഫീസില് ജോലി ചെയ്ത് പഠനം പൂര്ത്തിയാക്കാനുള്ള പരിശ്രമത്തിലാണ് താനെന്നും കുറിപ്പില് പറയുന്നുണ്ട്. അതിനിടെയാണ് കൊച്ചിയില് താന് താമസിക്കുന്ന സ്ഥലത്തും കൂട്ടുകാര്ക്കിടയില് സ്ഥിരം പ്രശ്നക്കാരനാണെന്ന് പ്രചരിപ്പിച്ച് സൈ്വരജീവിതം ഇല്ലാതാക്കാന് പൊലീസ് ശ്രമിക്കുന്നതെന്ന് അലന് പരാതിപ്പെടുന്നത്.
