പൃഥ്വിരാജ് സുകുമാരന്റെതായി റിലീസ് ചെയ്ത എറ്റവും പുതിയ ഹിന്ദി ചിത്രമാണ് സർസമീൻ. കജോൾ നായികയായി എത്തുന്ന സിനിമ ഒടിടി റിലീസിലൂടെയാണ് പ്രേക്ഷകർക്ക് മുന്നിലെത്തിയത്. സിനിമയുടെ പ്രൊമോഷൻ പരിപാടിക്കിടെ കജോളിനെ കൊണ്ട് പൃഥ്വിരാജ് മലയാളം പറയിപ്പിക്കുന്ന വീഡിയോ സോഷ്യൽ മീഡിയയിൽ വൈറലായിരിക്കുകയാണ്. നരസിംഹത്തിലെ മോഹൻലാലിന്റെ ഹിറ്റ് ഡയലോഗ് ആയ ‘എന്താ മോനെ ദിനേശാ’ ആണ് കജോളിനെക്കൊണ്ട് പൃഥ്വി വീഡിയോയിൽ പറയിപ്പികുന്നത്.
ഈ വാചകം പറയാൻ ഒരു നിബന്ധനയുണ്ടെന്നും ഇത് പറയുമ്പോൾ നിങ്ങൾ വലതു തോൾ ചരിക്കുകയും ഇടതു തോൾ ഉയർത്തുകയും വേണമെന്നും പൃഥ്വിരാജ് കജോളിനോട് പറഞ്ഞു. കജോൾ ആ വാചകം ഏറ്റുപറഞ്ഞപ്പോൾ ‘ഇത് നടൻ മോഹൻലാൽ ഒരു സിനിമയിൽ പറഞ്ഞ അതിപ്രശസ്തമായ ഡയലോഗാണ്, ഇത് ഏറ്റുപറഞ്ഞതിലൂടെ ഞാൻ ഉൾപ്പെടുന്ന മോഹൻലാൽ ആരാധരുടെ പ്രീതി നിങ്ങൾ പിടിച്ചുപറ്റിയെന്നും’ പൃഥ്വിരാജ് പറയുന്നുണ്ട്.
എല്ലാവർക്കും മനസിലായലോ? ഇത് മലയാളത്തിലെ ഒരു പ്രശസ്തമായ വാചകമാണ്. മോഹൻലാൽ സാർ പറഞ്ഞ വളരെ പ്രശസ്തമായ ഒരു സിനിമാ ഡയലോഗാണിത്. ഇത് പറഞ്ഞതിലൂടെ നിങ്ങൾ ഇപ്പോൾ കേരളത്തിലെ എല്ലാ മോഹൻലാൽ ആരാധകരുടെയും ഇഷ്ടം പിടിച്ചുപറ്റിയിരിക്കുന്നു’- പൃഥ്വിരാജ് പറയുന്നു.
