കോഴിക്കോട്: കൂടത്തായി കൊലപാതക പരമ്പരയില് പ്രതി ജോളി ജോസഫിന്റെ ആദ്യ ഭര്ത്താവ് റോയ് തോമസ് സയനൈഡ് ഉള്ളില് ചെന്നാണ് മരിച്ചെതന്ന് ഫോറന്സിക് സര്ജന് കോടതിയില് മൊഴി നല്കി. കോഴിക്കോട് മെഡിക്കല് കോളേജിലെ മുന് ഫോറന്സിക് സര്ജന് ഡോക്ടര് കെ പ്രസന്നന് ആണ് മൊഴി നല്കിയത്.
പോസ്റ്റ്മോര്ട്ടം റിപ്പോര്ട്ടിലും രാസ പരിശോധന റിപ്പോര്ട്ടിലും മരണകാരണം സയനൈഡ് ഉള്ളില് ചെന്നാണെന്നും ഡോക്ടര് പ്രസന്നന് മൊഴി നല്കി.പ്രതി ജോളി ജോസഫ് കടലക്കറിയില് സയനൈഡ് കലര്ത്തി നല്കി റോയ് തോമസിനെ കൊലപ്പെടുത്തി എന്നാണ് കേസ്.
റോയ് തോമസിനെ പോസ്റ്റ്മോര്ട്ടം ചെയ്ത ഫോറന്സിക് സര്ജന് ആര് സോനു മരണപ്പെട്ട സാഹചര്യത്തിലാണ് അന്ന് ഫോറന്സിക് മേധാവിയായിരുന്ന ഡോക്ടര് പ്രസന്നനെ വിസ്തരിച്ചത്. കേസിലെ 123ാം സാക്ഷിയായാണ് ഡോക്ടര് കെ പ്രസന്നനെ വിസ്തരിച്ചത്.
