ബടുമി (ജോര്ജ്ജിയ): ഫിഡെയുടെ വനിതാ ലോകകപ്പ് കിരീടം നേടിയ ദിവ്യ ദേശ് മുഖിന്റേത് അസുലഭ നേട്ടമാണെന്നും അത് വരും തലമുറകള്ക്ക് പ്രചോദനമാണെന്നും പ്രധാനമന്ത്രി മോദി. ടൂര്ണ്ണമെന്റില് ഉടനീളം കരുത്ത് കാട്ടിയ കൊനേരു ഹംപിയെയും മോദി അഭിനന്ദിച്ചു. ഫൈനലിലെ രണ്ട് താരങ്ങള്ക്കും നല്ലൊരു ഭാവിയും പ്രധാനമന്ത്രി ആശംസിച്ചു.
A historic final featuring two outstanding Indian chess players!
Proud of the young Divya Deshmukh on becoming FIDE Women's World Chess Champion 2025. Congratulations to her for this remarkable feat, which will inspire several youngsters.
Koneru Humpy has also displayed… pic.twitter.com/l7fWeA3qLw
— Narendra Modi (@narendramodi) July 28, 2025
ഫിഡെ വനിത ലോകകപ്പ് നേടിയ ദിവ്യ ദേശ്മുഖിനെ അഭിനന്ദിച്ചതോടൊപ്പം ഈ കിരീടത്തിലൂടെ ഗ്രാന്റ് മാസ്റ്റര് പദവി കൂടി നേടിയതിനും കേന്ദ്ര ആഭ്യന്തരമന്ത്രി അമിത് ഷാ അഭിനന്ദനം അറിയിച്ചു. സാധാരണ ഗ്രാന്റ് മാസ്റ്റര് പദവിയ്ക്ക് മൂന്ന് നോമുകളോ അതല്ലെങ്കില് ക്ലാസിക് ചെസ്സില് 2500 എന്ന റേറ്റിംഗോ നേടിയിരിക്കണം. എന്നാല് ദിവ്യ ദേശ്മുഖിന് ഇത് രണ്ടും ഉണ്ടായിരുന്നില്ല. പകരം ലോകപ്രശസ്തമായ ഫിഡെ വനിതാ ലോകകിരീടം നേടിയതിനാല് ആഗോള ചെസ് ഫെഡറേഷനായ ഫിഡെ നേരിട്ട് ദിവ്യ ദേശ്മുഖിന് ഗ്രാന്റ് മാസ്റ്റര് പദവി നല്കുകയായിരുന്നു.
ലോകം ഗൂഗിളില് ദിവ്യയെ തിരയുന്നു
ദിവ്യ ദേശ്മുഖിനെ ഇതോടെ ലോകം മുഴുവന് ഗൂഗിളില് തിരയുകയാണ്. ഫിഡെ ലോക വനിതാ ചെസ്സ് കിരീടം ഇത്രയും ചെറിയ പ്രായത്തില് നേടുന്ന താരമായതും ലോകത്തിന് അത്ഭുതമായിരിക്കുകയാണ്. ചതുരംഗത്തില് ഇന്ത്യയുടെ അപൂര്വ്വ കുതിപ്പിന് മറ്റൊരു ഉദാഹരണം കൂടിയാണ് ദിവ്യ ദേശ്മുഖിന്റെ വിജയം.
മഹാരാഷ്ട്രയിലെ നാഗ് പൂര് സ്വദേശിയാണ് ദിവ്യ ദേശ് മുഖ്. മഹാരാഷ്ട്രയിലെ നാഗ് പൂര് സ്വദേശിയായ ദിവ്യ ദേശ്മുഖിന് 19 വയസ് മാത്രമാണ് പ്രായം. നാഗ് പൂരിലെ ഡോക്ടര് ദമ്പതിമാരായ ജിതേന്ദ്ര ദേശ്മുഖ്, നമ്രത ദേശ്മുഖ് എന്നിവരുടെ മകളാണ് ദിവ്യ. അമ്മ നമ്രത ദേശ്മുഖ് തന്റെ ജീവിതം ദിവ്യയ്ക്കായി ഉഴിഞ്ഞുവെച്ചിരിക്കുകയാണ്. എതിരാളി എത്ര വലിയ ആളായാലും അവര്ക്ക് ഇളക്കാന് കഴിയാത്ത മനശ്ശാന്തതയാണ് ദിവ്യയുടെ പ്രത്യേകത. എത്ര സമ്മര്ദ്ദത്തിന് നടുവിലും നോര്മല് ഹൃദയമിടിപ്പ് നിലനിര്ത്തുക എന്ന അപൂര്വ്വസിദ്ധി ദിവ്യയ്ക്കുണ്ട്. ഇതാണ് അവരെ മികച്ച താരമാക്കുന്നത്. കാരണം സ്പോര്ട്സില് ഇപ്പോള് മനശ്ശാസ്ത്രത്തിനാണ് കൂടുതല് പ്രാധാന്യം. വിജയിക്കാനുള്ള ആത്മവിശ്വാസം കൂടുതലുള്ള ആളാണ് എപ്പോഴും എതിരാളിക്ക് മേല് വിജയം നേടുക. സ്പോര്ട്സ് സൈക്കോളജിസ്റ്റുകള്ക്ക് ഈ ആധുനിക കാലത്ത് പ്രാധാന്യം കൂടി വരുന്നതും ഇതുകൊണ്ടാണ്.
മാത്രമല്ല, അപ്രതീക്ഷിതമായ ആക്രമണശൈലിയും ദിവ്യയുടെ പ്രത്യേകതയാണ്. ചെന്നൈയിലെ ചെസ് ഗുരുകുലില് പഠിച്ച ദിവ്യയ്ക്ക് ചെസ്സിന്റെ അടിസ്ഥാന പാഠങ്ങള് പകര്ന്ന് നല്കിയത് ആര്.ബി രമേഷ് ആണ്. പ്രജ്ഞാനന്ദ, ഗുകേഷ് എന്നിവരെ ചെസ് പഠിപ്പിച്ച രമേഷ് ദിവ്യയിലെ ചെസ് അഭിനിവേശത്തെ തേച്ചുമിനുക്കി എന്ന് പറയാം. അല്ലെങ്കില് സെമിയില് അനായാസമായി ലോക ആറാം റാങ്ക് കാരിയായ ചൈനീസ് താരം ടാന് സോംഗിയെ തോല്പിച്ചിട്ടും കൂളായി ഇരിക്കുന്ന ദിവ്യയുടെ വീഡിയോ ആരും മറക്കില്ല. ജോര്ജ്ജിയയിലെ ടൂര്ണ്ണമെന്റില് ടാന് സോംഗി അപാരഫോമിലായിരുന്നു. എന്നിട്ടും ദിവ്യ അവരെ തോല്പിച്ചുകളഞ്ഞു.
ചെസ്സിലെ മൂന്ന് തരം ഗെയിമുകളായ റാപിഡും ബ്ലിറ്റ്സും ക്ലാസിക് ചെസും ഒരു പോലെ കൈകാര്യം ചെയ്യുന്ന താരമാണ് ദിവ്യദേശ്മുഖ്. ലോകറാങ്കിംഗ് 908 ആണ്. ഇന്ത്യയുടെ 21ാം വനിതാ ഗ്രാന്റ് മാസ്റ്ററാണ്. 2021ലാണ് ഇവര് ഗ്രാന്റ് മാസ്റ്റര് പട്ടം നേടിയത്. 2500 ആണ് കൗമാരതാരത്തിന്റെ ഇഎല്ഒ റേറ്റിംഗ്. ജൂണില് ലണ്ടനില് നടന്ന ലോക ബ്ലിറ്റ്സ് ചെസ്സില് ലോക ഒന്നാം നമ്പര് താരം ചൈനയുടെ ഹൂ യിഫാനെ അട്ടമറിച്ച ദിവ്യ ദേശ്മുഖിനെ പ്രധാനമന്ത്രി മോദി അഭിനന്ദിച്ചിരുന്നു.
