കോഴിക്കോട് : വര്‍ഗീയത പറയുന്ന വെള്ളാപ്പള്ളിയെ സമുദായംഗങ്ങള്‍ വിശ്രമ ജീവിതത്തിന് അയയ്‌ക്കണമെന്നാവശ്യപ്പെട്ട് സുന്നി യുവജന സംഘം ജനറല്‍ സെക്രട്ടറിയും എപി കാന്തപുരം വിഭാഗം നേതാവുമായ റഹ്‌മത്തുള്ള സഖാഫി എളമരത്തിന്‌റെ ഫേസ്ബുക്ക് പോസ്റ്റ്. എസ്എന്‍ഡിപി യോഗം ജനറല്‍ സെക്രട്ടറി വെളളാപ്പള്ളി നടേശന്‍ ഇങ്ങനെ പോയാല്‍ സ്വന്തം സമുദായം തന്നെ അദ്‌ദേഹത്തെ കൈകാര്യം ചെയ്യുമെന്നാണ് തോന്നുന്നത്. വര്‍ഗീയ വിദ്വേഷം പ്രചരിപ്പിക്കുന്നവരോട് സര്‍ക്കാരിന്റേത് ഉദാര സമീപനമാണ്. പെറ്റു കൂട്ടാന്‍ ആഹ്വാനം ചെയ്യുന്ന വെള്ളാപ്പള്ളിക്ക് സമുദായ സ്ത്രീകള്‍ തന്നെ മറുപടി നല്‍കണം. കോട്ടയത്ത് നടന്ന എസ്എന്‍ഡിപി നേതൃസംഗമത്തില്‍ വെള്ളാപ്പള്ളി നടേശന്‍ നടത്തിയ വിവാദ പ്രസംഗത്തോടുള്ള പ്രതികരണമായിട്ടാണ് റഹ്‌മത്തുള്ള സഖാഫി എളമരം ഇങ്ങനെ പ്രതികരിച്ചത്.
