ബെംഗളൂരു ആണിനെ ലവ് ജിഹാദില് കുടുക്കിയ കേസ് ഇതാദ്യമായി കര്ണ്ണാടകയില് നിന്നും റിപ്പോര്ട്ട് ചെയ്തു. പോപ്പുലര് ഫ്രണ്ട് ഉള്പ്പെടെയുള്ള തീവ്രവാദ സംഘടനകള് പിടിമുറുക്കുന്ന ഈ സംസ്ഥാനത്ത് യുവമോര്ച്ചയ്ക്കെതിരായ കൊലാപതകങ്ങളും ഹിന്ദുക്കളുടെ ഇസ്ലാമിലേക്കുള്ള മത പരിവര്ത്തനവും കൂടി വര്ധിച്ചുവരുന്നതിനിടയിലാണ് പ്രത്യേകതരം ലവ് ജിഹാദ് റിപ്പോര്ട്ട് ചെയ്യപ്പെട്ടിരിക്കുന്നത്. കര്ണ്ണാടകയിലെ ഗഡഗ് ജില്ലയിലാണ് സംഭവം.
മുസ്ലിം പെണ്കുട്ടിയ വിവാഹം കഴിച്ച ഹിന്ദു വരന് മതപരിവര്ത്തനത്തിനുള്ള സമ്മര്ദ്ദം നേരിടുകയാണ്. മതം മാറിയില്ലെങ്കില് ബലാത്സക്കേസില് കുടുക്കുമെന്ന ഭീഷണിയാണ് വധുവിന്റെ വീട്ടുകാര് മുഴക്കുന്നത്. ഇതോടെ വരന് വിശാല് ഗോകവി മാനസിക സമ്മര്ദ്ദത്തിലാണ്. തെഹ്സിന് ഹോസാമണിയെ വിവാഹം ചെയ്ത ശേഷമാണ് വിവേകിന് നേരെ വധുവിന്റെ വീട്ടുകാര് മതപരിവര്ത്തനസമ്മര്ദ്ദം ചെലുത്തുന്നത്.
2024 നവമ്പറിലാണ് രണ്ട് മതത്തില് പെട്ട വിവേക് ഗോകവിയും തെഹ്സിന് ഹോസാമണിയും പ്രത്യേക വിവാഹ നിയമപ്രകാരം വിവാഹം കഴിച്ചത്. ഏതാനും മാസങ്ങള് വലിയ കുഴപ്പമില്ലാതെ കടന്നുപോയി. എന്നാല് 2025 ഏപ്രില് മാസത്തില് വധുവിന്റെ വീട്ടുകാര് നിര്ബന്ധപൂര്വ്വം ഇസ്ലാം മതാചാരപ്രകാരം തന്റെ വിവാഹം വീണ്ടും നടത്തിയതായി വിവേക് പറയുന്നു. അതിന് ശേഷമാണ് മതം മാറാന് നിര്ബന്ധം തുടങ്ങിയത്. വഴങ്ങിയില്ലെങ്കില് ബലാത്സംഗക്കുറ്റം ചുമത്തി കേസ് നല്കുമെന്ന് ഭീഷണിപ്പെടുത്തിയിരിക്കുകയാണ് വധുവിന്റെ വീട്ടുകാര്.
മൂന്ന് വര്ഷത്തെ പ്രേമത്തിന് ശേഷമാണ് തെഹ്സീനെ വിവാഹം ചെയ്തതെന്ന് വിവേക് പറയുന്നു. തന്നെ വിവാഹം ചെയ്തില്ലെങ്കില് ആത്മഹത്യ ചെയ്യുമെന്ന് തെഹ്സീന് ഭീഷണിപ്പെടുത്തിയതിനെ തുടര്ന്നാണ് രജിസ്റ്റര് വിവാഹം കഴിച്ചതെന്നും വിവേക് പറയുന്നു.
