പ്രേക്ഷകർ ഏറെ ആകാംഷയോടെ കാത്തിരുന്ന ബിഗ് ബോസ് മലയാളം സീസൺ 7-ന്റെ ടീസർ പുറത്തിറങ്ങി. ടീസർ ഇതിനോടകം തന്നെ വലിയ ചർച്ചയായി മാറിക്കഴിഞ്ഞു. ടീസറിൽ സൂപ്പർതാരം മോഹൻലാൽ ആരാധകർ ഏറെ ഇഷ്ടപ്പെടുന്ന കറുത്ത മുണ്ടും ഷർട്ടുമണിഞ്ഞ് സ്റ്റൈലിഷായ ഒരു “മാസ് ലുക്കിൽ” എത്തുന്നു.
ഏഷ്യാനെറ്റിൽ ഉടൻ സംപ്രേക്ഷണം ചെയ്യാനിരിക്കുന്ന പുതിയ സീസണിന്റെ സൂചനകൾ നൽകുന്ന ടീസർ, ആവേശകരവും പ്രവചനാതീതവുമായ ഒരു യാത്രയാണ് വാഗ്ദാനം ചെയ്യുന്നത്. ടാസ്ക്കുകളിലും മത്സരങ്ങളിലും ആവേശകരമായ മാറ്റങ്ങൾ ഉൾപ്പെടുത്തിയതായി ടീസർ സൂചിപ്പിക്കുന്നു. ഈ സീസണിൽ പുതിയ വെല്ലുവിളികളും ശക്തരായ മത്സരാർത്ഥികളും ഉണ്ടാകുമെന്ന് പ്രേക്ഷകർക്ക് പ്രതീക്ഷിക്കാം.ബിഗ് ബോസ് മലയാളം സീസൺ 7 മുൻപത്തേക്കാൾ വലുതും ധീരവും കൂടുതൽ ആവേശകരവുമാവുകയാണ്.
ബിഗ് ബോസ് സീസൺ 7-ന്റെ ഏറ്റവും പുതിയ അപ്ഡേറ്റുകൾക്കായി കാത്തിരിക്കൂ.
ജന്മഭൂമി ഓണ്ലൈന്