മലപ്പുറം: നിലമ്പൂരിൽ വോട്ടെടുപ്പ് ആരംഭിച്ചു. വോട്ട് ചെയ്യാൻ ആദ്യമേ എത്തി നിലമ്പൂർ ആയിഷ.സ്വന്തം ബൂത്തിൽ ആദ്യത്തെ വോട്ട് രേഖപ്പെടുത്തിയ നിലമ്പൂർ ആയിഷ. ഇടതുപക്ഷം ജയിക്കുമെന്ന് പ്രതികരിച്ചു. വീണ്ടും ചിഹ്നത്തിൽ വോട്ട് ചെയ്യാനായതിൽ സന്തോഷം. തന്റെ വോട്ട് സ്വരാജിനെന്നും നിലമ്പൂർ ആയിഷ പറഞ്ഞു. അതേസമയം,മാങ്കൂത്ത് സ്കൂളിലെ ബൂത്തിൽ അതിരാവിലെ വോട്ട് ചെയ്യാനെത്തി നിലമ്പൂരിലെ ഇടത് സ്ഥാനാർത്ഥി എം സ്വരാജ്. ക്യൂവിൽ വോട്ടർമാർക്കിടയിൽ കാത്തുനിൽക്കുകയാണ് സ്വരാജ്. സ്വരാജിന്റെ പിതാവും വോട്ട് ചെയ്യാനായി ക്യൂവിൽ നിൽക്കുന്നുണ്ട്.
2,32,381 വോട്ടര്മാരാണ് മണ്ഡലത്തിലുള്ളത്. ഇതില് 1,13,613 പുരുഷന്മാരും, 1,18,760 സ്ത്രീകളും എട്ടു ട്രാന്സ്ജെന്ഡേഴ്സും ഉള്പ്പെടുന്നു. 7787 പുതിയ വോട്ടര്മാരുണ്ട്. പട്ടികയില് 373 പ്രവാസി വോട്ടര്മാരും, 324 സര്വീസ് വോട്ടര്മാരും ഉള്പ്പെടുന്നു. 263 പോളിങ് ബൂത്തുകളാണുള്ളത്. ഇതില് 14 എണ്ണമാണ് പ്രശ്ന സാധ്യത ബൂത്തുകള്. 1200 പൊലീസുകാരെയും, കേന്ദ്ര സേനയെയും സുരക്ഷയ്ക്കായി വിനിയോഗിച്ചിട്ടുണ്ട്. വരാനിരിക്കുന്ന തദ്ദേശ, നിയമസഭ തിരഞ്ഞെടുപ്പുകള്ക്കുള്ള സെമി ഫൈനല് പോരാട്ടമായതിനാല് നിലമ്പൂരിലെ മത്സരം ഇടത്, വലത് മുന്നണികള്ക്ക് ഒരുപോലെ നിര്ണായകമാണ്.
