തിരുവനന്തപുരം: പ്ലസ് വണ്‍ ക്ലാസുകള്‍ ജൂണ്‍ 18 ന് ആരംഭിക്കും. പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവനന്തപുരം തൈക്കാട് ഗവ. മോഡല്‍ ബോയ്സ് എച്ച്.എസ്.എസില്‍ നടക്കും. മുഖ്യഘട്ട അലോട്ട്മെന്റില്‍ 2,40,533 വിദ്യാര്‍ത്ഥികള്‍ക്ക് ഇതുവരെ സ്ഥിരപ്രവേശനം ലഭിച്ചതായി മന്ത്രി വി. ശിവന്‍കുട്ടി അറിയിച്ചു. മെറിറ്റ് ക്വാട്ടയില്‍ 2,11,785 പേര്‍ക്കും, സ്പോര്‍ട്സ് ക്വാട്ടയില്‍ 3,428 പേര്‍ക്കും, കമ്മ്യൂണിറ്റി ക്വാട്ടയില്‍ 13,609 പേര്‍ക്കും, മാനേജ്മെന്റ് ക്വാട്ടയില്‍ 6,840 പേര്‍ക്കും, അണ്‍എയ്ഡഡ് ക്വാട്ടയില്‍ 3,826 പേര്‍ക്കും പ്രവേശനം ലഭിച്ചു. 1,02,646 വിദ്യാര്‍ത്ഥികള്‍ പ്രവേശന വിവരങ്ങള്‍ രേഖപ്പെടുത്താനുണ്ട്.
കമ്മ്യൂണിറ്റി വിവരങ്ങള്‍ തെറ്റായി രേഖപ്പെടുത്തിയതിനാല്‍ പ്രവേശനം നഷ്ടമായവര്‍ക്ക് സപ്ലിമെന്ററി അലോട്ട്മെന്റില്‍ തിരുത്തലുകള്‍ വരുത്തി അപേക്ഷിക്കാം. ജൂണ്‍ 28-ന് വേക്കന്‍സി വിവരങ്ങള്‍ പ്രസിദ്ധീകരിക്കും.
