തിരുവനന്തപുരം: പോഷ് ആക്ടിന്റെ ആനുകൂല്യം വീട്ടു ജോലിക്കാരായ സ്ത്രീകള്ക്കും ലഭിക്കുമെന്ന് വനിതാ കമ്മീഷന് ചെയര്പേഴ്സണ് പി. സതീദേവി. തൊഴിലിടമെന്നാല് തൊഴില് സ്ഥാപനം മാത്രമല്ല, ജോലിസ്ഥലത്തേക്ക് പോകുന്ന വഴിയും വീടും വരെ ഇതില് നിര്വചിക്കപ്പെട്ടിട്ടുണ്ട്. പീഡനമെന്നാല് ശാരീരികമായ അതിക്രമം മാത്രമല്ല, മാനസികവും വൈകാരികവുമായ വേട്ടയാടലും ഉള്പ്പെടുന്നുവെന്ന് നിയമത്തില് വ്യക്തമായി പറയുന്നുണ്ട്.
വിശാലമായ അര്ത്ഥത്തില് നിര്വചിക്കപ്പെട്ട നിയമമാണിത്. സ്വാതന്ത്ര്യലബ്ദിക്കുശേഷം രാജ്യത്തുണ്ടായ നിയമങ്ങള് സ്ത്രീകളുടെ ക്ഷേമവും സുരക്ഷയും ഉറപ്പാക്കുന്നവയാണ്. സുപ്രീംകോടതി പുറപ്പെടുവിച്ച വൈശാഖ മാര്ഗനിര്ദ്ദേശങ്ങള് പശ്ചാത്തലമാക്കിയാണ് പോഷ് ആക്ട് 2013 രാജ്യം നടപ്പിലാക്കിയത്. സ്ത്രീകള്ക്കെതിരായ അതിക്രമം തടയുന്നതിന് ആവശ്യമായ വകുപ്പുകള് ഈ നിയമത്തിലുണ്ട്.
