തിരുവനന്തപുരം: ബക്രീദ് പ്രമാണിച്ച് സർക്കാർ അവധി ശനിയാഴ്ച മാത്രമായിരിക്കുമെന്ന് മന്ത്രിസഭാ തീരുമാനം. വെള്ളിയാഴ്ച കൂടി അവധി കൊടുക്കുന്നതിനെക്കുറിച്ച് പരിഗണനയിൽ ഉണ്ടായിരുന്നുവെങ്കിലും പിന്നീട് തള്ളി. ജൂൺ 6ന് നൽകിയിരുന്ന അവധി 7ലേക്ക് മാറ്റണമെന്ന ആവശ്യമാണ് അംഗീകരിച്ചിരിക്കുന്നത്.
വെള്ളിയാഴ്ച പ്രവർത്തി ദിനമായിരിക്കും. മാസപ്പിറവി വൈകിയതിനാലാണ് ബലി പെരുന്നാൾ ശനിയാഴ്ചയിലേക്ക് മാറിയത്. കലണ്ടർ പ്രകാരം ജൂൺ 6നാണ് അവധി നൽകിയിരിക്കുന്നത്. എന്നാൽ മാസപ്പിറവിയുടെ അടിസ്ഥാനത്തിൽ കേരളത്തിൽ ബലിപെരുന്നാൾ ശനിയാഴ്ചയായതോടെയാണ് അവധി ദിനവും മാറ്റിയത്. ജൂണ്‍ ഏഴ് ശനിയാഴ്ചയാണ് സംസ്ഥാനത്ത് ബലിപെരുന്നാള്‍.
ഒമാനിൽ ജൂൺ 5 വ്യാഴാഴ്ച മുതല്‍ ജൂൺ 9 തിങ്കളാഴ്ച വരെയാണ് ബിലിപെരുന്നാൾ അവധി പ്രഖ്യാപിച്ചിട്ടുള്ളത്. ജൂൺ 10 ചൊവ്വാഴ്ച പ്രവൃത്തി ദിവസം പുനരാരംഭിക്കും.ജൂൺ ആറിനാണ് ഒമാനിൽ ബലിപെരുന്നാൾ.
