കരുനാഗപ്പള്ളി: ലഹരിയുടെ ആസക്തി സമൂഹത്തിനെതിരെ ഉയര്ത്തുന്ന ഭീഷണിക്കെതിരെ അമൃത വിശ്വവിദ്യാപീഠം അമൃതപുരി ക്യാമ്പസില് ബോധവത്ക്കരണ പരിപാടി സംഘടിപ്പിച്ചു. അമൃത വിശ്വവിദ്യാപീഠം അമൃതപുരി ക്യാമ്പസിലെ ഇന്റേണല് ക്വാളിറ്റി അഷ്വറന്സ് സെല് കേരളാ പോലീസിന്റെ സഹകരണത്തോടെ സംഘടിപ്പിച്ച ഏകദിന ബോധവത്ക്കരണ പരിപാടിയില് തിരുവനന്തപുരം റേഞ്ച് ഡിഐജി അജിത ബീഗം, കൊല്ലം സിറ്റി പോലീസ് കമ്മീഷണര് കിരണ് നാരായണ്, കരുനാഗപ്പള്ളി എഎസ്പി അഞ്ജലി ഭാവന എന്നിവര് മുഖ്യാതിഥികളായി.
അമൃത സ്കൂള് ഓഫ് എഞ്ചിനീയറിങ് വിഭാഗം അസോസിയേറ്റ് ഡീന് ഡോ. എസ്.എന്. ജ്യോതി, സ്പിരിച്വല് ആന്ഡ് കള്ച്ചറല് സ്റ്റഡീസ് പ്രിന്സിപ്പല് അച്യുതാമൃത ചൈതന്യ,
സിഐആര് വിഭാഗം മേധാവി വിശ്വനാഥാമൃത ചൈതന്യ,സ്റ്റുഡന്റ് അഫയേഴ്സ് ചെയര്മാന് പ്രൊഫ. എ.ആര്.ജി. മേനോന് എന്നിവര് പങ്കെടുത്തു. ബോധവത്ക്കരണ സെഷനില് മുഖ്യാതിഥികള് ക്ലാസുകള് നയിച്ചു. ചടങ്ങില് പങ്കെടുത്തവര് അതിഥികളുമായി സംവദിച്ചു.
