കരുനാഗപ്പള്ളി: സാങ്കേതിക വിദ്യാഭ്യാസ രംഗത്തെ ആഗോള സംഘടനയായ അസോസിയേഷന് ഫോര് കമ്പ്യൂട്ടിങ് മെഷിനറിയുടെ എസിഎം ഇന്ത്യ ചാപ്റ്റര് നല്കുന്ന 2025-ലെ ഔട്ട്സ്റ്റാന്ഡിങ് ചാപ്റ്റര് ആക്റ്റിവിറ്റീസ് പുരസ്കാരത്തിന് അമൃത വിശ്വവിദ്യാപീഠം അമൃതപുരി ക്യാമ്പസ് അര്ഹരായി.
ഹൈദരാബാദ് ഐഐടി ക്യാമ്പസില് നടന്ന ചടങ്ങില് പുരസ്കാരം ഔദ്യോഗികമായി പ്രഖ്യാപിച്ചു. വിദ്യാര്ത്ഥികളുടെ സാങ്കേതിക മികവും വൈവിധ്യമാര്ന്ന പ്രവര്ത്തനങ്ങളും പരിഗണിച്ചാണ് പുരസ്കാരം.
എസിഎം സ്റ്റുഡന്റ് ചാപ്റ്റര് ഭാരവാഹികളായ അഖില് മേനോന്, ബി. വാസുദേവ് എന്നിവരുടെ നേതൃത്വത്തിലുള്ള പ്രവര്ത്തനങ്ങളാണ് അമൃതപുരി ക്യാമ്പസിനെ ഈ നേട്ടത്തിന് അര്ഹമാക്കിയത്.
സ്കൂള് ഓഫ് കമ്പ്യൂട്ടിങ് അസോസിയേറ്റ് ഡീന് ഡോ. പ്രേമ നെടുങ്ങാടി, അധ്യാപകരായ പി.കെ. ബിനു, ഡോ. എം. ഗീത, ഡോ. ജി. ഗോപകുമാര്, ഡോ. ജെ ജ്യോതിഷ, ഡോ. ജെ. സ്വാമിനാഥന്, ഡോ. ദിവ്യ ഉദയന്, ഡോ. ആര്. അനി, പ്രിയ രവി എന്നിവരാണ് വിദ്യാര്ത്ഥികള്ക്കാവശ്യമായ മാര്ഗനിര്ദേശങ്ങള് നല്കുന്നത്. അധ്യാപകരുടെയും വിദ്യാര്ത്ഥികളുടെയും കൂട്ടായ പരിശ്രമത്തിന്റെ ഫലമാണ് ഈ ദേശീയ അംഗീകാരമെന്നും സാങ്കേതിക വിദ്യയിലൂടെ സാമൂഹിക മാറ്റങ്ങള് ലക്ഷ്യമിടുന്ന തങ്ങളുടെ വരാനിരിക്കുന്ന പ്രവര്ത്തനങ്ങള്ക്ക് ഈ പുരസ്കാരം വലിയ ഊര്ജ്ജം നല്കുമെന്നും എസിഎം സ്റ്റുഡന്റ് ചാപ്റ്റര് ഭാരവാഹികള് അറിയിച്ചു.
