കരുനാഗപ്പള്ളി: അമൃത വിശ്വവിദ്യാപീഠം അമൃതപുരി ക്യാമ്പസിന്റെ ആതിഥേയത്വത്തില് സംഘടിപ്പിക്കുന്ന രണ്ടാമത് ഐ ട്രിപ്പിള് ഇ അന്താരാഷ്ട്ര റോബോട്ടിക്സ് ആന്ഡ് മെക്കാട്രോണിക്സ് കോണ്ഫറന്സ് ഐസിആര്എം 2026 ലേക്ക് ഗവേഷണ പ്രബന്ധങ്ങള് സമര്പ്പിക്കാന് താത്പര്യമുള്ളവരില് നിന്ന് അപേക്ഷ ക്ഷണിച്ചു. ജൂലൈ 30 ആണ് പ്രബന്ധങ്ങള് സമര്പ്പിക്കേണ്ട അവസാന തീയതി. തെരഞ്ഞെടുക്കുന്ന പ്രബന്ധങ്ങള് ലോകപ്രശസ്തമായ ഐ ട്രിപ്പിള് ഇ എക്സ്പ്ലോറില് പ്രസിദ്ധീകരിക്കുകയും സ്കോപ്പസില് ഇന്ഡക്സ് ചെയ്യുകയും ചെയ്യും. ഐ ട്രിപ്പിള് ഇ കേരള വിഭാഗത്തിന്റെയുള്പ്പെടെ വിവിധ ഐ ട്രിപ്പിള് ഇ സൊസൈറ്റികളുടെ സഹകരണത്തോടെയാണ് സമ്മേളനം നടത്തുന്നത്.
ഡിസംബര് 17 മുതല് 19 വരെ ഹൈബ്രിഡ് രീതിയില് നടക്കുന്ന സമ്മേളനത്തില് നേരിട്ടും ഓണ്ലൈനായും പങ്കാളികളാകാം. 2025 നവംബറില് വിജയകരമായി നടന്ന ആദ്യ കോണ്ഫറന്സിന്റെ തുടര്ച്ചയായാണ് ഈ അന്താരാഷ്ട്ര സംഗമം ഒരുങ്ങുന്നത്. റോബോട്ടിക്സ്, മെക്കാട്രോണിക്സ്, ആര്ട്ടിഫിഷ്യല് ഇന്റലിജന്റ്സ്, ഓട്ടോമേഷന്, എംബെഡഡ് സിസ്റ്റങ്ങള്, ഇന്റലിജന്റ് സിസ്റ്റങ്ങള് തുടങ്ങിയ മേഖലകളിലെ ഗവേഷകര്ക്കും അദ്ധ്യാപകര്ക്കും വിദ്യാര്ത്ഥികള്ക്കും പ്രൊഫഷണലുകള്ക്കും തങ്ങളുടെ ഗവേഷണങ്ങളും നവീന ആശയങ്ങളും അവതരിപ്പിക്കാനുള്ള പ്രമുഖ വേദിയായിരിക്കും ഐസി ആര്എം 2026. ഇന്ത്യയിലെയും വിദേശത്തെയും വിദഗ്ധര് തമ്മിലുള്ള സാങ്കേതിക സഹകരണം, നെറ്റ്വര്ക്കി
ങ്, ഗവേഷണ കൈമാറ്റങ്ങള് എന്നിവ പ്രോത്സാഹിപ്പിക്കുകയാണ് ഐസിആര്എം 2026 ന്റെ പ്രധാനലക്ഷ്യം.
മൂന്ന് ദിവസങ്ങളിലായി നടക്കുന്ന കോണ്ഫറന്സില് കീ- നോട്ട് പ്രഭാഷണങ്ങള്, പ്ലീനറി സെഷനുകള്, സാങ്കേതിക പ്രബന്ധ അവതരണങ്ങള് എന്നിവയ്ക്കൊപ്പം റോബോ എക്സ്പോ, ഇവി എക്സ്പോ, റോബോട്ടിക് സ് മത്സരങ്ങള്, ഹാന്ഡ്സ്-ഓണ് സാങ്കേതിക പരിശീലന സെഷനുകള് തുടങ്ങിയവയും ഉള്പ്പെടുത്തിയിട്ടുണ്ട്. ദേശീയ- അന്തര്ദേശീയ തലങ്ങളിലെ പ്രമുഖ ശാസ്ത്രജ്ഞരും വ്യവസായ പ്രമുഖരും വിവിധ സെഷനുകളില് നേതൃത്വം നല്കും. കൂടുതല് വിവരങ്ങള്ക്ക് ഐസിആര്എം 2026ന്റെ ഔദ്യോഗിക വെബ്സൈറ്റ് സന്ദര്ശിക്കാവുന്നതാണ്.
