ന്യൂദല്ഹി : ജമ്മു കശ്മീരിലും പഞ്ചാബിലും രാജസ്ഥാനിലും ഗുജറാത്തിലും പാകിസ്ഥാന്റെ അതിരൂക്ഷമായ ആക്രമണം. ഡ്രോണ് വഴിയാണ് ആക്രമണം നടത്തുന്നത്.ഇന്ത്യ ഫലപ്രദമായി പ്രതിരോധിക്കുന്നുണ്ട്.
ബാരാമുളളയില് സ്ഫോടനം നടന്നതായി റിപ്പോര്ട്ടുണ്ട്. ജമ്മു കശ്മീരിലെ അതിര്ത്തി ഗ്രാമങ്ങളില് പാക് സൈന്യം അതിരൂക്ഷമായി ഷെല്ലിംഗ് നടത്തുന്നുണ്ട്.
ഡ്രോണുകള് ആകാശത്ത് വച്ച് തന്നെ ഇന്ത്യ അടിച്ചിടുന്നുണ്ടെങ്കിലും പഞ്ചാബിലെ ഫിറോസ്പുരില് ജനവാസ മേഖലയില് ഡ്രോണ് പതിച്ചു. ഒരു കുടുംബത്തിലുള്ള മൂന്ന് പേര്ക്ക് പരിക്കേറ്റു.ഇതില് സ്ത്രീയുടെ പരിക്ക് ഗുരുതരമാണ്. പരിക്കേറ്റവരെ ആശുപത്രിയിലേക്ക് മാറ്റി.
ആദ്യമായാണ് പാകിസ്ഥാന് ഡ്രോണ് ഇന്ത്യന് മണ്ണില് പതിക്കുന്നത്. ആക്രമണം നടക്കുന്ന ഇടങ്ങളെല്ലാം ബ്ലാക്ക് ഔട്ടിലാണ്. സൈനിക കേന്ദ്രങ്ങളും ജനവാസ മേഖലയും പാകിസ്ഥാന് ലക്ഷ്യം വയ്ക്കുന്നുണ്ട്.
