മധുര: നിലവിലെ സിപിഎം നേതൃത്വം പുതുതലമുറയിലെ എത്ര പേരെ വളര്ത്തിക്കൊണ്ടു വന്നുവെന്ന് കൊച്ചി മേയര് എം അനില്കുമാര്. പ്രകാശ് കാരാട്ടിനെപ്പോലുള്ളവരെ ചെറുപ്പത്തിലേ ഇഎംഎസിന്റെ കാലത്ത് നേതൃത്വത്തിലേക്ക് കൊണ്ടുവന്നു. എന്നാല് പുതിയ നേതാക്കള് ആരെയൊക്കെ ഉയര്ത്തിക്കൊണ്ടുവന്നു എന്നത് പരിശോധിക്കപ്പെടേണ്ടതാണെന്നാണ് അനില്കുമാര് ഉയര്ത്തിയ വിമര്ശനം. ഡല്ഹിയിലെ ദീര്ഘകാല പ്രവര്ത്തന പരിചയം കണക്കിലെടുത്ത് പ്രകാശ് കാരാട്ടിനെ പിബിയില് നിലനിര്ത്തണമെന്ന വാദം ചില പ്രതിനിധികള് ഉയര്ത്തിയിരുന്നു. ഈ ഘട്ടത്തിലാണ് അനില്കുമാര് ഇത്തരമൊരു പ്രതികരണം നടത്തിയത്.
അതേസമയം വിരമിക്കുന്നവരെ ഉള്പ്പെടുത്തി പോളിറ്റ് ബ്യൂറോയെ സഹായിക്കാനുള്ള മറ്റൊരു സമിതി ഉണ്ടാക്കുന്നത് പരിഗണിക്കണമെന്ന നിര്ദേശവും ഉയര്ന്നു. പ്രായപരിധി കര്ശനമാക്കുന്നതു വഴി പ്രമുഖര് പടിക്ക് പുറത്താകുമ്പോള് പാര്ട്ടിയുടെ ഗതിയെന്താകുമെന്നാണ് ഇക്കൂട്ടര് ഉയര്ത്തിയ ആശങ്ക.
