കൊല്ലം: ഉത്സവത്തിനിടെ എടുപ്പ് കുതിരയ്ക്കടിയില്പ്പെട്ട് യുവാവ് മരിച്ചു. അഞ്ചലില് ആണ് സംഭവം.
അറക്കല് മലമേല് സ്വദേശി അരുണാണ് മരിച്ചത്.അറക്കല് മലക്കുട ഉത്സവത്തോടനുബന്ധിച്ചുളള കുതിരയെടുപ്പിനിടെ ചൊവ്വാഴ്ച രാത്രിയായിരുന്നു അപകടം.
എടുപ്പ് കുതിരയുടെ ചട്ടം യുവാവിന് മേല് പതിക്കുകയായിരുന്നു. തിരുവനന്തപുരം മെഡിക്കല് കോളജ് ആശുപത്രിയില് ചികിത്സയില് കഴിയവേ വ്യാഴാഴ്ച പുലര്ച്ചെയായിരുന്നു മരണം.
വിദേശത്ത് ജോലി ചെയ്യുന്ന അരുണ് ഉത്സവത്തില് പങ്കെടുക്കാനാണ് നാട്ടില് എത്തിയത്. മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
