ചെന്നൈ : തമിഴ്നാട്ടിൽ ഹിന്ദി ഭാഷ കൊണ്ടുവരുന്നതിനെച്ചൊല്ലി ഭരണകക്ഷിയായ ഡിഎംകെയും ബിജെപിയും തമ്മിലുള്ള വാക് പേര് മുറുകുകയാണ്. ഡിഎംകെയുടെ കള്ള പ്രചാരണങ്ങൾ ഒരോന്നായി ബിജെപി സംസ്ഥാന അധ്യക്ഷൻ അണ്ണാമലൈ അടക്കമുള്ളവർ തുറന്ന് കാട്ടുന്നുണ്ട്.
ഇപ്പോഴിത പ്രതിഷേധം തുടരുന്നതിനിടെ ഡിഎംകെ മന്ത്രിമാരിൽ ഒരാളായ ദുരൈ മുരുകൻ ഉത്തരേന്ത്യക്കെതിരെ ഏറെ വിവാദപരമായ പ്രസ്താവനയാണ് ഇറക്കിയിരിക്കുന്നത്. വടക്കേ ഇന്ത്യയിൽ ഒരു സ്ത്രീക്ക് പത്ത് പേരെ വരെ വിവാഹം കഴിക്കാമെന്ന് മന്ത്രി പറഞ്ഞു. വടക്കേ ഇന്ത്യയിൽ നിന്നുള്ള ആരും ഇതിനെക്കുറിച്ച് അഭിപ്രായം പറയുന്നില്ലെങ്കിലും ഉത്തരേന്ത്യയിൽ ഒന്നിലധികം പങ്കാളികളുള്ള ഒരു സംസ്കാരം ഉണ്ടെന്ന് ദുരൈ മുരുകൻ പറഞ്ഞു.
“നമ്മുടെ സംസ്കാരത്തിൽ, ഒരു പുരുഷൻ ഒരു സ്ത്രീയെ മാത്രമേ വിവാഹം കഴിക്കുന്നുള്ളൂ. എന്നിരുന്നാലും, വടക്കേ ഇന്ത്യയിൽ, ഒരു സ്ത്രീക്ക് ഒന്നിലധികം ഭർത്താക്കന്മാർ ഉണ്ടാകാം, ചിലപ്പോൾ അഞ്ച് അല്ലെങ്കിൽ പത്ത് പോലും. അതുപോലെ, അഞ്ച് പുരുഷന്മാർക്ക് ഒരു സ്ത്രീയെ വിവാഹം കഴിക്കാം. ഇതാണ് അവരുടെ പാരമ്പര്യം. ഒരാൾ പോയാൽ മറ്റൊരാൾ അവരുടെ സ്ഥാനത്ത് എത്തുന്നു,”- മുരുകൻ ഒരു ദേശീയ മാധ്യമത്തിനോട് പറഞ്ഞു.
തമിഴ് ആചാരങ്ങളിൽ നിന്ന് വ്യത്യസ്തമായി ഉത്തരേന്ത്യൻ പാരമ്പര്യങ്ങൾ ബഹുഭാര്യത്വത്തെയും ബഹുരാജ്ഞിയെയും അംഗീകരിക്കുന്നുവെന്ന് ഡിഎംകെ മന്ത്രി ആരോപിച്ചു. എന്തായാലും മന്ത്രിയുടെ പ്രസ്താവന ഇതിനോടകം തന്നെ വിവാദമായിട്ടുണ്ട്.
