തിരുവനന്തപുരം:കാര്യവട്ടം ഗവ.കോളജില് റാഗിംഗ് നടന്നുവെന്ന പരാതിയില് പൊലീസ് കേസെടുത്തു. ബയോടെക്നോളജി ഒന്നാം വര്ഷ വിദ്യാര്ഥി ബിന്സ് ജോസാണ് പ്രിന്സിപ്പലിനും കഴക്കൂട്ടം പൊലീസിലും പരാതി നല്കിയത്.
തുടര്ന്ന് അന്വേഷണം നടത്തിയ ആന്റി റാഗിംഗ്സമിതി റാഗിംഗ് നടന്നതായി സ്ഥിരീകരിച്ചു.
മൂന്നാം വര്ഷ ബിരുദ വിദ്യാര്ഥികളായ ഏഴ് പേര്ക്കെതിരെയാണ് പരാതി. സിസിടിവി ദൃശ്യങ്ങളും സാക്ഷിമൊഴികളും പരിശോധിച്ചാണ് റാഗിംഗ് നടന്നതായി കണ്ടെത്തിയത്. കഴിഞ്ഞ 11 ന് കോളേജിലെ സീനിയര്-ജൂനിയര് വിദ്യാര്ത്ഥികള് തമ്മില് അടിപിടി നടന്നിരുന്നു.അന്ന് മര്ദനമേറ്റ ബിന്സ് ജോസിന്റെ സുഹൃത്തായ അഭിഷേകിന് സീനിയര് വിദ്യാര്ഥികളുടെ മര്ദനത്തില് പരിക്കേറ്റിരുന്നു. അന്ന് ഇരുകൂട്ടരുടെയും പരാതിയില് കഴക്കൂട്ടം പൊലീസ് കേസെടുത്തിരുന്നു.
അന്ന് അഭിഷേകിനെ അന്വേഷിച്ചെത്തിയ സീനിയര് വിദ്യാര്ത്ഥികള് ബിന്സിനെ പിടിച്ചുകൊണ്ടുപോയി മുറിയില് കെട്ടിയിട്ട് മര്ദിച്ചെന്നാണ് പരാതി.തുടര്ന്നാണ് ബിന്സ് സീനിയര് വിദ്യാര്ത്ഥികള്ക്കെതിരെ കഴക്കൂട്ടം പൊലീസിനും പ്രിന്സിപ്പലിനും പരാതി നല്കിയത്.
