കോട്ടയം: വെള്ളാപ്പള്ളി പലതും പറയും അതിനൊന്നും മറുപടിയില്ലെന്ന് എന്എസ്എസ് ജനറല് സെക്രട്ടറി സുകുമാരന് നായര്. എസ്എന്ഡിപിയോഗത്തെ അവഗണിച്ചത് കൊണ്ടാണ് കോണ്ഗ്രസ് തകര്ന്നതെന്ന വെള്ളാപ്പള്ളി നടേശന്റെ പരാമര്ശത്തില് പ്രതികരിക്കുകയായിരുന്നു അദ്ദേഹം. രാഷ്ട്രീയ പാര്ട്ടികളോടും മുന്നണികളോടും എന്എസ്എസ് സമദൂരം തുടരും. എല്ലാ രാഷ്ട്രീയ നേതാക്കളും ബന്ധുക്കളാണ്. ഒരുകാലത്ത് രാഷ്ട്രീയ നിലപാട് എടുത്തത് വിഢ്ഡിത്തരമെന്ന് എന്എസ്എസിന് മനസിലായി. കോണ്ഗ്രസ് നേതാവ് രമേശ് ചെന്നിത്തല മുഖ്യമന്ത്രിയാകാന് യോഗ്യനാണ്. മറ്റു പലരും യോഗ്യരാണ്. എല്ലാവരും ബഹുമാനിക്കുന്ന ആളായതുകൊണ്ടും നായരായത് കൊണ്ടുമാണ് രമേശ് ചെന്നിത്തലയെ എന്എസ്സ് ആസ്ഥാനത്തേക്ക് ക്ഷണിച്ചത്.അതില് തെറ്റൊന്നുമില്ലെന്നും സുകുമാരന് നായര് പറഞ്ഞു.
