കോട്ടയം: വിവരാവകാശ രേഖയ്‌ക്കുള്ള അപേക്ഷ നിരസിച്ചതിന് വിവരാവകാശ കമ്മീഷന്‍ 5000 രൂപ പിഴയിട്ട എംജി സര്‍വകലാശാല ഡപ്യൂട്ടി രജിസ്ട്രാര്‍ എം എസ് ബിജു ഇടതു സംഘടനാ നേതാവ്. സര്‍വകലാശാലയില്‍ നിന്ന് വിരമിച്ച ജീവനക്കാരി നല്‍കിയ അപേക്ഷയാണ് ബിജു നിരസിച്ചത് .സര്‍വീസില്‍ മുന്‍കാല പ്രാബല്യത്തോടെ പ്രമോഷന്‍ ലഭിച്ച ഇവര്‍ക്ക് അനുസൃതമായ ശമ്പളമോ കുടിശ്ശികയോ ലഭിച്ചില്ല.ഇത് പ്രമോഷന്‍ കുടിശികയല്ലെന്നും പേ റിവിഷന്‍ കുടിശികയാണെന്നുമായിരുന്നു സര്‍വകലാശാല വാദിച്ചത്. വ്യക്തമായ രേഖകള്‍ ഇല്ലാതിരുന്നിട്ടും ജീവനക്കാരി ഹൈക്കോടതിയെ സമീപിച്ച് അനുകൂല വിധി നേടി. കോടതി ഉത്തരവിന്‌റെ പശ്ചാത്തലത്തില്‍ വിവരാവകാശ അപേക്ഷ നിരസിച്ചതിനെതിരെ അവര്‍ വിവരാവകാശ കമ്മീഷനെ സമീപിക്കുകയായിരുന്നു.
