തൃശൂര്: കുപ്രസിദ്ധ ഗുണ്ട തീക്കാറ്റ് സാജന് പിടിയിലായി. തെലുങ്കാനയില് നിന്നാണ് തൃശൂരിലെ കുപ്രസിദ്ധ ഗുണ്ടയെ പൊലീസ് കസ്റ്റഡിയിലെടുത്തത്.
സൈബര് സെല്ലിന്റെ സഹായത്തോടെയാണ് ഇയാളെ പിടികൂടിയത്. കമ്മീഷണര് ഓഫീസ് ബോംബ് വച്ച് തകര്ക്കുമെന്ന് ഭീഷണിപ്പെടുത്തിയെന്ന് കേസിലാണ് അറസ്റ്റ്. ഇയാള് മോഷണക്കേസിലും പ്രതിയാണ്.
നേരത്തേ ഇയാളുടെ ജന്മദിനം ആഘോഷിക്കാന് ഗുണ്ടകള് ഒത്തു കൂടിയിരുന്നു.ഇതില് ചിലരെ പൊലീസ് പിടികൂടി.
തുടര്ന്ന് കൂട്ടാളികളെ വിട്ടയച്ചില്ലെങ്കില് കമ്മീഷണര് ഓഫീസ് ബോംബ് വച്ച് തകര്ക്കുമെന്ന് ഭീഷണി മുഴക്കുകയായിരുന്നു ഇയാള്. പിന്നാലെ ഒളിവില് പോയി.
