തിരുവന്തപുരം: അടുത്ത മാസവും യൂണിറ്റിന് 10 പൈസ വച്ച് സര്ചാര്ജ് പിരിക്കുമെന്ന് കെഎസ്ഇബി.യൂണിറ്റിന് 19 പൈസയാണ് സര്ചാര്ജ്.
2024 ഡിസംബറില് വൈദ്യുതി വാങ്ങിയതില് അധികബാധ്യത 18.13 കോടി രൂപയാണ്. ഇതാണ് അടുത്ത മാസം സ്വന്തം നിലയില് സര്ചാര്ജ് പിരിക്കാന് കാരണമെന്നും കെഎസ്ഇബി അറിയിച്ചു.
കെ.എസ്.ഇ.ബി. സ്വമേധയാ നിശ്ചയിച്ച 10 പൈസയും റെഗുലേറ്ററി കമ്മിഷന് അനുവദിച്ച ഒന്പത് പൈസയുമാണ് ഇപ്പോള് സര്ച്ചാര്ജ്. ഒമ്പത് പൈസ സര്ചാര്ജ് 17 പൈസയാക്കണമെന്ന കെഎസ്ഇബിയുടെ ആവശ്യം അംഗീകരിച്ചിരുന്നില്ല.ഇന്ധനവില കൂടുന്നതിനാല് താപവൈദ്യുതി വാങ്ങുന്നതിനുള്ള ചെലവില് താത്കാലികമായുണ്ടാവുന്ന വര്ധനയാണ് സര്ചാര്ജിലൂടെ ഈടാക്കുന്നതെന്ന് കെ.എസ്.ഇ.ബി അറിയിച്ചു.
ജനുവരിയില് സ്വന്തം നിലയില് യൂണിറ്റിന് 10 പൈസ വച്ച് ഈടാക്കാന് കെഎസ്ഇബി തീരുമാനിച്ചിരുന്നു.നവംബര് മാസം വൈദ്യുതി വാങ്ങിയതിലെ 17.79 കോടി രൂപ പിരിച്ചെടുക്കാനായാണ് ജനുവരിയില് സര്ചാര്ജ് ഈടാക്കാന് തീരുമാനിച്ചത്. വൈദ്യുതിക്ക് യൂണിറ്റിന് 16 പൈസ വര്ധിപ്പിച്ചിട്ടുണ്ട്.
