മുംബൈ : റിപ്പബ്ലിക് ദിനത്തിൽ ദേശീയ പതാകയ്ക്ക് കീഴിൽ ‘ബീഫ്’ വിൽപ്പന നടത്തിയ മൊഹ്സിൻ അറസ്റ്റിൽ . മഹാരാഷ്‌ട്രയിലെ മാലേഗാവ് ജില്ലയിലെ പവാർവാഡി പോലീസാണ് കേസ് രജിസ്റ്റർ ചെയ്തത് . റിപ്പബ്ലിക് ദിനത്തോടനുബന്ധിച്ച് ജനുവരി 26 ന് മാംസ വിൽപ്പന നിരോധിച്ച് മാലേഗാവ് മഹാനഗർപാലിക നോട്ടീസ് നൽകിയിരുന്നു . എന്നാൽ ഇത് ലംഘിച്ച് മൊഹ്സിൻ ബീഫ്’ വിൽപ്പന നടത്തുന്ന ദൃശ്യങ്ങൾ പുറത്ത് വന്നിട്ടുണ്ട്. ഇന്ത്യൻ ദേശീയ പതാകയെ അപമാനിക്കുകയായിരുന്നു മൊഹ്സിനെന്ന് കാട്ടി മാലേഗാവ് മഹാനഗർപാലികയിലെ മുതിർന്ന ഉദ്യോഗസ്ഥനായ മനീഷ് ധിലാരെയാണ് പരാതി നൽകിയത്.
വാട്ട്‌സ്ആപ്പ് ഗ്രൂപ്പിൽ മൊഹ്സിൻ ബീഫ് വിൽക്കുന്നതിന്റെ ഫോട്ടോ വൈറലായതിനെ തുടർന്നാണ് സംഭവം ശ്രദ്ധയിൽപ്പെട്ടത് . 2024 മാർച്ചിൽ മഹാരാഷ്‌ട്രയിൽ സംസ്ഥാനം ബീഫ് നിരോധിച്ചിരുന്നു. ബീഫ് വിൽക്കുന്നതോ കഴിക്കുന്നതോ കണ്ടെത്തിയാൽ അഞ്ച് വർഷം തടവും 10,000 രൂപ പിഴയും ലഭിക്കും.
