തിരുവനന്തപുരം: മദ്യവില വര്ദ്ധനയുടെ ഇരകളാകുന്നത് സ്ത്രീകളും കുട്ടികളുമാണെന്ന് പ്രതിപക്ഷ നേതാവ് വി ഡി സതീശന്. മദ്യവില കൂട്ടിയതുകൊണ്ട് ഉപഭോഗം കുറയില്ല. കുടുംബ ബജറ്റിലേക്കുള്ള വിഹിതത്തില് കുറവ് വരുന്നതിനാല് സ്ത്രീകളെയും കുട്ടികളെയുമാണ് ഇതു ബാധിക്കുക.
മദ്യ കമ്പനികളുടെ ആവശ്യത്തിന് വഴങ്ങി മദ്യ വില വര്ധിപ്പിക്കാനുള്ള സര്ക്കാര് തീരുമാനം ദുരൂഹമാണ്. കമ്പനികള്ക്ക് കൊള്ളലാഭം ഉണ്ടാക്കുന്നതിനു വേണ്ടി 341 ബ്രാന്ഡുകളുടെ വിലയാണ് 10 രൂപ മുതല് 50 രൂപ വരെ വര്ധിപ്പിച്ചത്. ഇതില് ജനപ്രിയ ബ്രാന്ഡുകളുടെയെല്ലാം വില സര്ക്കാര് വര്ധിപ്പിച്ചിട്ടുണ്ട്. വില വര്ധിപ്പിച്ച മദ്യത്തിന്റെ പട്ടികയില് മദ്യ നിര്മ്മാണ കമ്പനി സ്ഥാപിക്കാന് സര്ക്കാര് രഹസ്യമായി അനുമതി നല്കിയ ഒയാസിസ് കമ്പനിയുടെ വിവിധ ബ്രാന്ഡുകളും ഉള്പ്പെട്ടിട്ടുണ്ട്. മദ്യ നിര്മ്മാണ കമ്പനിക്ക് അനുമതി നല്കിയതിന് പിന്നാലെ മദ്യ കമ്പനികള്ക്കു വേണ്ടി വില വര്ധിപ്പിച്ചുള്ള സര്ക്കാര് തീരുമാനം സംശയകരമാണെന്നും സതീശന് പറഞ്ഞു.നേരത്തെ മദ്യ കമ്പനികള് ആവശ്യപ്പെട്ടത് അനുസരിച്ച് വിറ്റുവരവ് നികുതി സര്ക്കാര് ഒഴിവാക്കിക്കൊടുത്തിരുന്നു. അന്നും നഷ്ടം നികത്തിയത് വില കൂട്ടിയാണ്.
മദ്യവില വര്ദ്ധനയെ എതിര്ത്ത് പ്രതിപക്ഷ നേതാവ് , ഇരകള് സ്ത്രീകളും കുട്ടികളുമെന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.