ലക്നൗ : വിവാഹിതയായ ഹിന്ദുയുവതിയെ പ്രണയത്തിൽ കുടുക്കി മതം മാറ്റാൻ ശ്രമിച്ച ചെയ്തതിന് യുവാവ് അറസ്റ്റിൽ. ഉത്തർപ്രദേശിലെ ഗാസിയാബാദിലാണ് സംഭവം. ഇമ്രാൻ എന്ന യുവാവിനെതിരെ യുവതിയുടെ ഭർത്താവ് തന്നെയാണ് പോലീസിൽ പരാതി നൽകിയത്.
ഖോഡ സ്വദേശിയായ ഇമ്രാന് ഭാര്യയെ വിവാഹത്തിന് മുമ്പ് തന്നെ അറിയാമെന്നും ഭർത്താവ് പരാതിയിൽ പറയുന്നു.ഏതാനും മാസങ്ങളായി ഇമ്രാനും യുവതിയുമായി പ്രണയത്തിലായിരുന്നു. യുവതി ഇസ്ലാമിനോട് ചായ്വ് കാണിക്കാൻ തുടങ്ങിയത് ഭർത്താവിൽ സംശയം ജനിപ്പിച്ചു.
ജനുവരി ഒമ്പതിന് രാത്രിയാണ് യുവതിയെ കാണാതായത്. തുടർന്ന് ഭർത്താവ് വിജയനഗര പോലീസ് സ്റ്റേഷനിൽ പരാതി നൽകി. ഭർത്താവ് വാങ്ങി നൽകിയ സ്വർണ്ണാഭരണങ്ങളുമായാണ് യുവതി ഇമ്രാനൊപ്പം പോയത് . ഇമ്രാന്റെ ഫോൺ നമ്പർ ഉൾപ്പെടെയുള്ള വിവരങ്ങൾ ഭർത്താവ് നൽകിയതാണ് പോലീസിന് കാര്യങ്ങൾ എളുപ്പമാക്കിയത് .ഗാസിയാബാദിലെ ദർഗക്കടുത്ത് നിന്നാണ് ഇമ്രാനെയും, യുവതിയെയും പോലീസ് അറസ്റ്റ് ചെയ്തത്.
ഒളിച്ചോടിയ തന്നെ ഡൽഹിയിലെയും ഗാസിയാബാദിലെയും ദർഗകളിലേക്കാണ് ഇമ്രാൻ കൊണ്ടുപോയതെന്ന് യുവതി പറഞ്ഞു. മൗലാനയ്‌ക്ക് യുവതിയെ പരിചയപ്പെടുത്തുകയും, നിസ്ക്കരിക്കാൻ നിർബന്ധിക്കുകയും ചെയ്തു. വിസമ്മതിച്ചതോടെ മർദ്ദിക്കുകയും ചെയ്തതായി യുവതി പറഞ്ഞു.മുൻപും ഇമ്രാൻ തന്നെ പീഡിപ്പിച്ചതായി യുവതി പോലീസിനോട് പറഞ്ഞിട്ടുണ്ട്.
ഉത്തർപ്രദേശ് നിയമവിരുദ്ധമായ മതപരിവർത്തന നിരോധന നിയമത്തിലെ സെക്ഷൻ 87, സെക്ഷൻ 3, 4 എന്നിവ പ്രകാരമാണ് ഇമ്രാനെ അറസ്റ്റ് ചെയ്തത് .
