ബെര്‍ലിന്‍ : മുസ്ലിം കുറ്റക്യത്യങ്ങളില്‍ നിന്നും ജൂതരെയും ഇസ്രയേലിനെയും രക്ഷിയ്‌ക്കാന്‍ എ എഫ് ഡി (ആള്‍ട്ടര്‍നേറ്റീവ് ഫോര്‍ ജര്‍മ്മനി) എന്ന പാര്‍ട്ടിയെ രക്ഷിയ്‌ക്കണമെന്ന ആവശ്യവുമായി ഇലോണ്‍ മസ്ക്. ഫെബ്രുവരി 23ന് ജര്‍മ്മനിയില്‍ നടക്കാന്‍ പോകുന്ന പൊതുതെരഞ്ഞെടുപ്പിലാണ് എ എഫ് ഡി എന്ന വലതുപക്ഷ പാര്‍ട്ടിക്ക് വേണ്ടി ഇലോണ്‍ മസ്ക് വാദിക്കുന്നത്.
എക്സ് എന്ന തന്റെ സമൂഹമാധ്യമപ്ലാറ്റ് ഫോമില്‍ തന്റെ അക്കൗണ്ടില്‍ നിന്നും ഇലോണ്‍ മസ്ക് എ എഫ് ഡിയ്‌ക്ക് അനുകൂലമായ പോസ്റ്റുകള്‍ പങ്കുവെയ്‌ക്കുന്നുണ്ട്. എന്താണ് എഎഫ് ഡി എന്ന പാര്‍ട്ടിയുടെ പ്രത്യേകതകള്‍? സ്വന്തം രാജ്യത്തിന്റെ പൈതൃകവും സംസ്കാരവും സംരക്ഷിക്കണമെെന്ന് വാദിക്കുന്ന പാര്‍ട്ടിയാണ് ഇക്കാര്യത്തില്‍ ഇന്ത്യയിലെ ആര്‍എസ്എസുമായി സാമ്യം തോന്നും. അതുപോലെ വിദേശത്ത് നിന്നുള്ള ഇസ്ലാം കുടിയേറ്റത്തെ നഖശിഖാന്തം എതിര്‍ക്കുന്ന പാര്‍ട്ടി കൂടിയാണ് ഇത്. ഇതാണ് ഇവിടുത്തെ മതേതര കോണ്‍ഗ്രസ് പോലുള്ള ജര്‍മ്മനിയിലെ ഇടത് പക്ഷ പാര്‍ട്ടികളെ വിറളിപിടിപ്പിക്കുന്നത്. ആള്‍ട്ടര്‍നേറ്റീവ് ഫോര്‍ ജര്‍മ്മനി എന്നാണ് എ എഫ് ഡി എന്നതിന്റെ മുഴുവന്‍ രൂപം.
ജര്‍മ്മനിയിലെ പൊതുതെരഞ്ഞെടുപ്പില്‍ തീരെ പ്രാധാന്യം ഇല്ലാതിരുന്ന എഎഫ് ഡി പൊടുന്നനെയാണ് വളര്‍ന്നത്. പ്രത്യേകിച്ചും ജര്‍മ്മനിയില്‍ ഇസ്ലാമിക തീവ്രവാദം പടര്‍ന്നുപിടിച്ചത് എഎഫ് ഡിയ്‌ക്ക് വളമായി. അതോടെയാണ് 2017ലെ തെരഞ്ഞെടുപ്പില്‍ 94 സീറ്റുകള്‍ നേടി എ എഫ് ഡി മൂന്നാം സ്ഥാനത്തെത്തിയത്. 2023 മുതല്‍ ജര്‍മ്മനിയിലെ രണ്ടാമത്തെ ശക്തമായ പാര്‍ട്ടിയായി എ എഫ് ഡി മാറി.
ഇലോണ്‍ മസ്ക് അതത് രാജ്യത്തിന്റെ സംസ്കാരം നശിപ്പിച്ചുകൊണ്ടുള്ള ആഗോളവല്‍ക്കരണത്തിന് എതിരാണ്. അതത് രാജ്യത്തിന്റെ പൈതൃകവും സാംസ്കാരികത്തനിമയും കാത്തുസൂക്ഷിച്ചാല്‍ മാത്രമേ ആ രാജ്യം അഭിവൃദ്ധിപ്പെടൂ എന്ന അഭിപ്രായക്കാരനാണ് ഇലോണ്‍ മസ്ക്. ആലിസ് വെയ്ഡെല്‍ ആണ് ഈ പാര്‍ട്ടിയുടെ നേതാവ്. ഇസ്ലാമിക തീവ്രവാദത്തില്‍ നിന്നും മുസ്ലിങ്ങളുടെ കുറ്റകൃത്യങ്ങളില്‍ നിന്നും ജൂതന്‍മാരെയും ഇസ്രയേലിനെയും രക്ഷിക്കാന്‍ ജര്‍മ്മനിയ്‌ക്ക് ഉത്തരവാദിത്വമുണ്ടെന്നും ആലിസ് വെയ്ഡെല്‍ വിശ്വസിക്കുന്നു.
ആണവോര്‍ജ്ജം വേണ്ടെന്ന് വെച്ചവരാണ് ജര്‍മ്മനിയിലെ മറ്റ് പാര്‍ട്ടികള്‍. ഇത് ജര്‍മ്മനിയെ ഊര്‍ജ്ജത്തിന്റെ കാര്യത്തില്‍ ദരിദ്രരാക്കി. എന്നാല്‍ എഎഫ് ഡി ന്യൂക്ലിയര്‍ പവര്‍ വേണമെന്ന് വാദിക്കുന്നവരാണ്. എഎഫ് ഡി എന്ന പാര്‍ട്ടിക്ക് മാത്രമേ ജര്‍മ്മനിയെ രക്ഷിക്കാനും ആ രാജ്യത്തെ ലോകത്തെ മികച്ച രാഷ്‌ട്രമാക്കി മാറ്റാനും കഴിയൂ എന്നും ഇലോണ്‍ മസ്ക് വിശ്വസിക്കുന്നു.
പ്രതികരിക്കാൻ ഇവിടെ എഴുതുക: