ന്യൂദല്ഹി: ഉപഗ്രഹം വഴി ഇന്റര്നെറ്റ് സേവനം നല്കുന്ന ഇലോണ് മസ്കിന്റെ സ്റ്റാര്ലിങ്കിന് ടെലികോം വകുപ്പ് അനുമതി നല്കി. ഇതോടെ അതിവേഗ ഇന്റര്നെറ്റ് സേവനത്തിലേക്ക് ഇന്ത്യ കുതിക്കുകയാണ്. ടെലികോം മന്ത്രി ജ്യോതിരാദിത്യ സിന്ധ്യയാണ് ഇക്കാര്യം അറിയിച്ചത്.
വൈകാതെ സ്റ്റാര്ലിങ്കിന് സ്പെക്ട്രം അനുവദിക്കും. അതിന് ശേഷമാണ് ഇന്റര്നെറ്റ് സേവനം തുടങ്ങാന് കഴിയുക. സേവനം ആരംഭിച്ച് കഴിഞ്ഞാല് സ്റ്റാര്ലിങ്ക് അതിവേഗം ഇന്ത്യയാകെ വിന്യസിക്കും. സ്റ്റാര്ലിങ്ക് ശരാശരി 100 എംബിപിഎസ് ഡൗണ്ലോഡ് സ്പീഡ് നല്കിയാല് പോലും ഒരു സിനിമ തന്നെ ഒരു മിനിറ്റില് ഡൗണ്ലോഡ് ചെയ്യാന് സാധിക്കും.മാത്രമല്ല ഇന്ത്യയിലെ എല്ലാ കുഗ്രാമങ്ങളിലും മൊബൈല് ഫോണും ഇന്റര്നെറ്റ് സേവനവും എത്തും.
ഇന്ത്യയിലെ ഇന്റര്നെറ്റ് ഉപയോക്താക്കളുടെ എണ്ണത്തില് അതിവേഗം വര്ധനയുണ്ടാകുമെന്നും ജ്യോതിരാദിത്യ സിന്ധ്യ പറഞ്ഞു. കേബിളുകള് വലിക്കാന് ബുദ്ധിമുട്ടുള്ള പ്രാന്തപ്രദേശങ്ങളില് ഉപഗ്രഹം വഴി ഇന്റര്നെറ്റ് സേവനം നല്കാന് എളുപ്പമാണ്. ഇന്ത്യയുടെ ഗ്രാമപ്രദേശങ്ങളില് പലതിലേക്കും സ്റ്റാര്ലിങ്ക് വഴി ഇന്റര്നെറ്റ് സേവനം നല്കുന്നത് വഴി ഡിജിറ്റല് ഡിവൈഡ് ഇല്ലാതാക്കാന് സാധിക്കും. 25 എംബിപിഎസ് മുതല് 225 എംബിപിഎസ് വരെയായിരിക്കും സ്റ്റാര്ലിങ്ക് ഡൗണ്ലോഡ് സ്പീഡ്. ശരാശരി 100 എംബിപിഎസ് സ്പീഡ് കിട്ടിയാല് ഒരു സിനിമ തന്നെ ഒരു മിനിറ്റില് ഡൗണ്ലോഡ് ചെയ്യാന് സാധിക്കും.
ഇലോണ് മസ്കിന്റെ കമ്പനിയായ സ്പേസ് എക്സ് എന്ന കമ്പനിയുടെ സ്റ്റാര് ലിങ്ക് 2021 മുതല് ഇന്ത്യയില് സേവനം ആരംഭിക്കാന് ശ്രമിച്ചെങ്കിലും സര്ക്കാര് അനുമതികള് കിട്ടുന്നതിലെ തടസ്സമാണ് പ്രശ്നമായത്. ഇപ്പോള് തടസ്സങ്ങള് എല്ലാം നീങ്ങി. സ്റ്റാര് ലിങ്ക് കൂടി വന്നാല് ഉപഗ്രഹം വഴി ഇന്റര്നെറ്റ് സേവനം നല്കുന്ന മൂന്നാമത്തെ കമ്പനിയായി സ്റ്റാര്ലിങ്ക് മാറും. എയര്ടെല്ലിന്റെ വണ് വെബും റിലയന്സ് ജിയോയും ആണ് ഈ സേവനം നല്കുന്ന മറ്റ് കമ്പനികള്. ആമസോണിന്റെ കൂയിപ്പറും ഉപഗ്രഹ ഇന്റര്നെറ്റ് സേവനം ഇന്ത്യയില് തുടങ്ങാന് ശ്രമിക്കുന്നുണ്ടെങ്കിലും അനുമതി കിട്ടിയിട്ടില്ല.
