ആലുവ : രണ്ട് കിലോയോളം കഞ്ചാവുമായി യുവാവ് പിടിയിൽ. പള്ളിക്കുറ്റി ഭാഗത്ത് വാടകയ്ക്ക് താമസിക്കുന്ന ആലുവ നൊച്ചിമ പുള്ളലിക്കര ആയത്തു വീട്ടിൽ മുഹമ്മദ് ഫയിസ് (34)നെയാണ് തടിയിട്ട പറമ്പ് പോലീസ് പിടികൂടിയത്.
പോലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ഇയാളെ കസ്റ്റഡിയിലെടുത്തത്. കിഴക്കമ്പലം അമ്പു നാട് പള്ളിക്കുറ്റ ഭാഗത്ത് സ്ക്കൂട്ടറിൽ കഞ്ചാവ് വിൽപ്പനക്കെത്തിയതാണ് പ്രതി.
പ്ലാസ്റ്റിക്ക് പായ്ക്കറ്റുകളിലാക്കി സ്ക്കൂട്ടറിന്റെ സീറ്റിനടിയിലാണ് സൂക്ഷിച്ചിരുന്നത്. സ്കൂട്ടറും പോലീസ് കസ്റ്റഡിയിലെടുത്തു. എടത്തല, ഏലൂർ സ്റ്റേഷനുകളിൽ ഇയാൾക്കെതിരെ കേസുകളുണ്ട്.
ഇൻസ്പെക്ടർ ഏ.എൽ അഭിലാഷ്, എസ്.ഐ എ.ബി സതീഷ്, എ.എസ്.ഐമാരായ കെ.എ നൗഷാദ്, കെ.ബി ഷമീർ, സീനിയർ സി പി ഒ കെ.കെ ഷിബു, സി പി ഒമാരായ മുഹമ്മദ് നൗഫൽ, കെ.ആർ വിപിൻ, മിഥുൻ മോഹൻ, റോബിൻ ജോയി എന്നിവരാണ് അന്വേഷണ സംഘത്തിലുണ്ടായിരുന്നത്.
